Ulttyq ustanymdaǵy memleketshil basshynyń janyndaǵy 2,5 jyl, ómirimizdiń umytylmas erekshe mektebine aınaldy. Sol ýaqytta el basqarý isi bıik ónerdiń biri de, biregeıi ekendigine aıqyn kóz jetkizdik.
Osynaý jyldarda eshbir tynym tappastan alyp óńirdi ózgertýge baryn saldy. Ásirese Táýelsizdik dáýirindegi qaıtalanbas oqıǵa - qasıetti Túrkistanǵa oralýdyń basy-qasynda júrdi.
Uly kóshtiń tizginin ustap, qıyndyǵyn kóppen birge kóterdi. Jańa Túrkistannyń alǵashqy qazyǵyn qaǵysyp, irgetasyn qalasýy el tarıxynda óshpes iz bolyp qalary anyq.
Qaıbir syn sátterde qatańdyq tanytyp, talapshyl boldy. Biraq arǵy jaǵynda aǵalyq qamqorlyǵy, keń júrekti, kemel oıly nıeti sezilip turatyn. Ásirese shynaıy bolmysqa, rýxanı tereńdikke erekshe mán beretindigi júregimizdi jylytatyn.
Qyzmet babyndaǵy qalyptasqan qasań qaǵıdalardy buzyp, aınalasyna qalypty adamı qarym-qatynaspen qaraıtyn qasıetteri jaratylysyndaǵy izgilikti baıqatsa kerek.
On úsh ul-qyz ósken shańyraqtan shyqqan tulǵaly azamattyń qarapaıymdylyǵy men eńbekqorlyǵy ekijaqtap abyroıǵa bólep keledi. Janseıit aǵamyzǵa qaıbir qyzmette eldiń de, Elbasynyń da senimin aqtap, eńbek ete berýine shyn júrekten tilekshimiz!
Beısen Tájibaev
Feısbýk paraqshasynan
