Oblys basshysy Maqtaral aýdanyndaǵy sý basqan Jańaturmys pen Jeńis eldimekenine baryp, appattan japa shekken úı irgelerin qarap shyqty.
Eń aldymen oblys basshysy Eńbekshi aýyldyq okrýgi Jańa turmys aýylynda boldy. Munda 47 turǵyn úıde 321 turǵyn turǵan.
[video width="640" height="352" mp4="https://dalanews.kz/wp-content/uploads/2020/05/Shýkeev.mp4"][/video]
2 mamyr kúni túngi saǵat 01:50-de atalǵan eldimekende evakýasıalaý is-sharalary bastaldy.
Jalpy eldi mekende 1 mektep, 1 medpýnkt, 1 meshit ornalasqan. Jańa turmys aýylynda iri qara mal sany - 2700, qoı sany - 3000, jylqy - 150, taýyq 450 bolatyn. Oblys basshysy aýdan ákimi B.Asanovqa tótenshe jaǵdaıdan zaqym eelgen áleýmettik nysan men japa shekken mal-múlik sanyn anyqtaýdy tapsyrdy.
Budan keıin óńir basshysy Jeńis aýylyna aıaldap, aýyldyń jaǵdaıymen tanysty. Bul aýylda 280 turǵyn úıde 1922 turǵyn kún keshken.
Eldimekende 1 mektep, 2 balabaqsha, 1 medpýnkt, 1 meshit , 1 Mádenıet úıi ornalasqan. Qazirgi tańda atalǵan nysandardyń ǵımarattary zaqymdalǵany anyqtalý ústinde. Bul aýylda qazirgi tańda jaıymdylyq jerdiń 500 gektary, egistik alqaptyń 50 gektary shamasynda sý basqan. Aýylda iri qara mal sany – 350, qoı sany – 270, túıe – 300, jylqy – 70, taýyq – 700 quraıtyn edi.
Túrkistan oblysy Óńirlik komýnıkasıa qyzmeti
