Ómirine qaýip bar dep sanaımyz - Baıjanovtyń advokaty

Saǵynysh Sardarova 16 sáý. 2024 15:43 2216

Eks-mınıstr Qýandyq Bıshimbaevqa qatysty sot otyrysynda ekinshi aıyptalýshy Baqytjan Baıjanovtyń advokaty tyń málimetter aıtty, - dep habarlaıdy Dalanews.kz.

Baıjanovtyń advokaty Ǵazız Yntyqbaev óziniń ótinishi jabyq rejımde qaralǵanyn, tikeleı efır óshirilgenin, alqabılerdiń qaraýynsyz talqylanǵanyn málimdedi.

"Sondyqtan ótinishime qatysty pikir bildirýge quqyǵym joq. Múmkindigim de joq. Qaýip bar dep sanaımyz (Baıjanovtyń ómirine qaýip tónip tur ma - esk.)", - dedi ol.

Al BAQ-ta ótinish Baıjanovty úıqamaqqa jiberý týraly bolǵany aıtylyp jatyr.

Aıta keteıik, buǵan deıin Baıjanov Bıshimbaev sotqa ákele jatqan kezde jaýaptaryna áser etkisi kelgenin málimdedi.

"Bıshimbaev "jedel járdemge birge habarlastyq dep aıt" dedi. "Aıtpasań, seniń basyńa kelsin, seniń balalaryńnyń basyna kelsin dep qarǵaımyn" dedi. Tergeý ızolátorynda anda-sanda (Bıshimbaevpen - esk.) kezdesip júrdik. Sol kezde "nashatyr berip jatqanda, sen qarap turdym dep aıt" (dedi - esk.). Biraq men syrtta qaldym", - dedi Baıjanov.

Sonymen qatar, ol Bıshimbaev tarapynan ózine qysym jasalyp jatqanyn, bólek otyrǵysy keletinin aıtty.

"Bıshimbaevtyń Baıjanovqa sóıleýge múmkindigi bolmasa eken. Baıjanov ózine qysym kórsetilip jatyr dep sanaıdy. Olardyń arasynda qaqtyǵys bolyp jatyr. Tym quryǵanda erteń (bólek otyrsa - esk.)", - dedi Baıjanovtyń advokaty.

Muny Baıjanovtyń ózi de rastady.

"Ol maǵan jaýap berý kezinde "bylaı aıt, bylaı aıt" dep qysym kórsetip jatyr", - dedi Baıjanov.

Baqytjan Baıjanovqa Qylmystyq kodekstiń eki baby boıynsha aıtyp taǵylyp otyr:

  • 432-baby (asa aýyr qylmysty jasyryp qalý);
  • 434-baby (asa aýyr qylmysty habarlamaý). 

Buǵan deıin qaıǵyly oqıǵa bolǵan meıramhanada jumys istegen qyzmetker Bıshimbaevtyń inisi vıdeolardy qalaı óshirtkenin aıtqan bolatyn.

"9 qarashada tańǵy saǵat 10-da jumysqa keldim. Kabınetke kelip, noýtbýkty ashtym. Meniń jumysym - jalǵa alýshylarmen kezdesý. Ádettegideı jumysymdy istep júrdim. 12.00-13.00 shamasynda meıramhanalardy aralap shyǵamyn. Sol kúni 13.00-de meıramhanany aralap shyqtym, birinshi qabatta bári jumys istep turdy. Ekinshi qabattaǵy BAU meıramhanasy jumys istemeı turdy. Ákimshiden nege ashylmaǵanyn suradym. Ákimshi olarda sanıtarıalyq kún ekenin aıtty. Men "jaqsy" dep óz jumysymmen kete berdim", - deıdi kýáger. 

Sol kúni 14.00 shamasynda ákimshi kelip, Baqytjan Baıjanov (Bıshimbaevpen birge sotta kúdikti retindegi adam) habarlasyp, beınekameradaǵy vıdeolardy óshirýdi suraǵan. 

"Búkil gastroortalyqtaǵy vıdeony óshirýdi surady. Artynan Baqytjan Baıjanov ta kelip vıdeolardy óshirýimdi surady. Ne úshin óshirý keregin naqtylamadym", - deıdi kýáger. 

Meıramhananyń burynǵy qyzmetkeri shamamen 15 mınýttaı server kabınetinde bolyp, vıdeolardy óshirip, shyǵyp ketken. 


Usynylǵan
Sońǵy jańalyqtar