18 qyrkúiek kúni Almaty qalasynyń Arbatynda Dúniejúzilik súiek kemigi donory kúnine arnalǵan «Ómirge arasha túsý úshin donor bol» atty is-shara ótti. Sharaǵa shamamen 100 adam qatysty, dep habarlaidy dalanews.kz.
Aktsiiada dárigerler, donorlar, qoǵamdyq uiymdardyń ókilderi men eriktiler sharaǵa qatysýshylarǵa gemopoezdik diń jasýshalarynyń donorlyǵy jáne Qazaqstandaǵy súiek kemigi donorlary tirkeliminiń múmkindikteri týraly aqparat berdi.
Is-sharanyń basty oqiǵasy — genetikalyq sáikestik arqyly taǵdyrlary toǵysqan donor men retsipienttiń kezdesýi boldy: donor — Muhtar, retsipient — Aleksii Vlastemir. Olardyń tarihy tirkelimge qosylý týraly sheshimnen bastap transplantatsiiaǵa jáne bir kezderi bir-birine múldem beitanys bolǵan eki adamnyń jeke kezdesýine deiingi joldy kórsetti.
Shara barysynda «Nelikten men kómektesýdi tańdaimyn» atty beinerolikter baiqaýynyń jeńimpazdary marapattaldy. Baiqaýǵa súiek kemigi registrine tirkelgen azamattar qatysty. Olar óz oqiǵalary arqyly eshqashan kezdespeýi múmkin adamǵa kómek qolyn sozýǵa ne sebep bolǵanyn aityp berdi.
Baiqaý jeńimpazdary:
1-oryn — Zelentseva Mariia, Atyraý q.
2-oryn — Ýakpaeva Diana, Astana q.
3-oryn — Aleshkin Iýrii, Almaty q.
Kórermen qoshemeti syilyǵy — Maltseva Aleksandra, Kókshetaý q.
Aqparattyq aimaqta qonaqtar áleýetti donor bolý talaptary, genetikalyq sáikestikti izdeý tártibi, sáikestik anyqtalǵannan keiingi kezeńder jáne donorlyqtyń qaýipsizdigi týraly praktikalyq aqparat aldy.
Qonaqtar úshin kontserttik baǵdarlama da uiymdastyryldy. Arbattaǵy sahnada estrada juldyzdarymen qatar jas ónerpazdar da óner kórsetti.
Qazaqstanda súiek kemigi donorlyǵyn damytýǵa qoǵamnyń nazaryn aýdarý maqsatynda ótken sharada uiymdastyrýshylar qaterli dertpen kúresip jatqan jandarǵa úmit syilaǵan donorlarǵa zor alǵystaryn bildirip, syi-syiapat kórsetti.
Keide adam ómirin qutqarý úshin sýperqabilet qajet emes. Bar bolǵany sáikestik jáne bir adamnyń ekinshi adamǵa kómektesýge degen sheshimi qajet.
