30 jyl buryn, 1994 jyly 20 sáýirde Ujymdyq qaýipsizdik týraly shart kúshine endi. Qujatqa toǵyz el: Resei, Ázerbaijan, Armeniia, Belarýs, Grýziia, Tájikstan, Ózbekstan, Qyrǵyzstan jáne Qazaqstan qol qoiǵan bolatyn. Qazaqstan men Armeniia UQShU quramynan shyǵyp ketýi múmkin be? Sarapshylar taldaý jasap, pikir bildirdi, - dep habarlaidy Dalanews.kz Gazety.Ru basylymyna siltep.
TMD isteri jónindegi Memlekettik Dýma komiteti tóraǵasynyń birinshi orynbasary Konstantin Zatýlin ujym Qazaqstandaǵy Qańtar oqiǵasy kezinde ózin kórsete bilgenin aitady.
Reseidegi Konstitýtsiialyq zańnama jáne memlekettik qurylys jónindegi keńes komitetiniń múshesi Olga Kovitidi UQShU aimaqtyq jáne halyqaralyq qaýipsizdiktiń mańyzdy faktory ekenin aitady.
«Qazaqstanda beibitshilik pen saiasi turaqtylyqty saqtaýda UQShU jetekshi ról atqarǵany sózsiz. Bul rette negizgi mindet - uiymǵa múshe memleketter retindegi bizdiń ishki qaýipsizdigimiz, ózara senimdilikti, yntymaqtastyqty, ózara túsinistikti qamtamasyz etý, qazirgi syn-tegeýrinder men qaýip-qaterlerge biryńǵai tásildi ázirleý qajettigi», - deidi reseilik senator.
UQShU tarap ketýi múmkin be?
TMD elderi institýtynyń eýraziialyq integratsiia jáne ShYU damý bóliminiń meńgerýshisi Vladimir Evseevtiń sózinshe, Armeniia ujymda qiyn jaǵdai týǵyzyp otyr.
«Armeniia-ońtústik Kavkazdaǵy UQShU-ǵa múshe jalǵyz memleket. Sondyqtan uiym osy baǵytta álsireýi múmkin. Eger biz Ortalyq Aziia vektoryn qarastyrsaq, onda Qazaqstan kózge túsedi. Astana Reseige qatysty ekiushty syrtqy saiasat júrgizýde. Qazaqstan tarapy Ýkraina Qarýly Kúshterine snariad jetkizýge qatysýy múmkin degen boljam da bar. Muny Chehiia basshylyǵy astarlap jetkizgendei boldy. Odan bólek, Qazaqstanda rýsofobtyq kúshter artyp, AQSh-tyń elge áseri azaiar túri joq», - deidi reseilik sarapshy.
Onyń pikirinshe, mundai jaǵdaida UQShU aldynda eki mindet turýy múmkin – Armeniianyń qysqa merzimde shyǵýy jáne orta merzimdi perspektivada Qazaqstan da shyǵyp ketýi múmkin. Evseev Astanaǵa qatysty AQSh pen onyń odaqtastary tarapynan qysym kórsetý faktory bolatynyn joqqa shyǵarmady.
Eske salaiyq, buǵan deiin Resei Federatsiiasynyń Qorǵanys ministri Sergei Shoiǵý Ortalyq Aziiadaǵy strategiialyq baǵyttaǵy jaǵdai kúrdeli ekenin aitqan bolatyn. Onyń sózinshe, bul aimaqqa Aýǵanstan jaqtan qaýip tónip tur.
"Sońǵy bir jylda "Islam memleketi" sodyrlarynyń sany 15 paiyzǵa ósken. Olardyń basty maqsaty – UQShU-nyń ońtústik shekaralarynda radikaldy ideologiia men diversiialyq áreketterdi taratý", - dep topshylaǵan Shoiǵý.
Sonymen qatar, Sergei Shoiǵý biyl Ortalyq áskeri okrýgte negizgi kúsh aimaq elderindegi daǵdarysty jaǵdailardy retteýge jáne Qazaqstan, Qyrǵyzstan jáne Tájikstan aýmaqtarynda ótetin jeti oqý-jattyǵýǵa qatysýǵa baǵyttalatynyn habarlady. Áskerlerdi oqytýdyń nátijesi UQShU-nyń Ujymdyq jedel áreket etý kúshteriniń "Ózara is-qimyl-2024" oqý-jattyǵýy bolady, oǵan bes memlekettiń áskeri kontingentteri qatysady.
