Pentagon ókilderi «Islam memleketi» ekstremistik tobynyń joǵarǵy qolbasshylarynyń biri Omar Sheshen amerikalyq áýe soqqysynan alǵan jaraqatynan kóz jumdy dep esepteidi.
Grýziiada týǵan etnikalyq sheshen Omar al-Shishani 4 naýryzda Siriianyń soltústik-shyǵysyndaǵy sodyrlar tobyna jasalǵan áýe soqqysy kezinde aýyr jaralanǵan. Ony Rakka qalasyndaǵy aýrýhanaǵa jetkizgen.
Pentagonnyń baspasóz hatshysy, kapitan Djeff Devis France-Presse agenttigine: «Biz ony aýyr jaraqattan kóz jumdy dep sanaimyz», — degen. Shishanidyń aýyr jaraqattan ólgeni týraly málimetti Pentagon ókilderi amerikalyq CNN telearnasyna da málimdegen. Syrian Observatory for Human Rights uiymy 13 naýryzda France-Presse agenttigine Shishanidyń birneshe kún boiy «klinikalyq ólim» jaǵdaiynda jatqanyn jáne ony jasandy demaldyrý apparatyna qosqanyn aitqan.
Shishany laqap atymen tanymal Tarhan Batirashvili buryn Grýziianyń elitalyq arnaiy qyzmet kúshterinde qyzmet etken. 2010 jyldan beri IM qataryna ótken ol osy toptaǵy eń bedeldi qolbasshynyń biri sanalatyn. Shishani Qurama Shtattar izdeý salǵan sodyrlar tiziminiń basynda turdy. Onyń basyna bes million dollar báige tigilgen.
