Parıjdegi Olımpıadada Almaty qalalyq sport basqarmasynyń basshysy Erden Haırýllın qaıtys boldy, - dep habarlaıdy Dalanews.kz.

Aldyn ala málimet boıynsha, onyń júregi toqtap qalǵan. 

Almaty qalasy Sport basqarmasynyń basshysy Haırýllın Erden Rashıdulynyń kenetten ómirden ozýyna baılanysty otbasy men týǵan, týystaryna qaıǵyra kóńil aıtamyz, - dep habarlady basqarmanyń áleýmettik jelidegi paraqshasy.

Erden Haırýllın 2009 jyly Q. Sátbaev atyndaǵy Qazaq Ulttyq tehnıkalyq ýnıversıtetin "Avtomattandyrý jáne basqarý" mamandyǵy boıynsha bitirgen, 2011 jyly Q. Sátbaev atyndaǵy Qazaq Ulttyq tehnıkalyq ýnıversıtetin «Ekonomıka» mamandyǵy  boıynsha  támamdaǵan  jáne Azamattyq avıasıa akademıasynyn avıasıa tehnıkasy jáne tehnologıasynyń magıstri dárejesin alǵan.

2012-2019 jyldary Almaly aýdany ákimi apparatynda kásipkerlikti jáne ónerkásipti damytý bóliminiń bas mamany, osy bólimniń basshysy bolyp qyzmet atqarǵan.

2019-2022 jyldary Almaty qalasy Almaly aýdany ákiminiń orynbasary bolyp jumys istegen.

Almaty sportyn 2022 jyldyń mamyr aıynan beri basqaryp keldi.