Aman Prezidenttik taqqa talaspaidy. Federaldyq saiasatqa aralaspaidy. Kýzbass sonyki, eshkim tiispeidi. Biraq eshqandai problema bolmaýy kerek.
Mine, 20 jyldai solai boldy. Tóleevke birneshe ret qastańdyq jasaldy. Kónbedi.
Tipten tórt dúrkin Olimpiada chempiony Tihonov zakaz berip atqyzdy. Sonda da synbady. Keshegi órtengen «Zimniaia vishnia» qojaiynyn Kemerovodan qýyp shyqqan.
Resei boiynsha oligarhtar bilemegen jalǵyz oblys Amandiki boldy. Turǵyndar jalaqysy da basqa aimaqtardan joǵary. Qylmystyń deńgeii tómen.
Oblys ózin asyrap, artyǵyn Máskeýge jiberedi. Bári «chiki-chiki» edi. Tek ótken jyly jaman dertke shaldyqqan Tóleev biraz dúnieni baqylaýdan shyǵaryp aldy.
Sol kezle ol «ketem» dedi. Biraq Pýtin qala turýyn ótindi. Óitkeni oǵan Kemerovodaǵydai úlgili oblys kerek-tuǵyn. Pýtin ornyna orynbasarlyqqa óz adamyn jiberip, «jyl jarym úirensin» dedi. Mine, Aman Tóleev jeke basymen, Prezident Pýtinge bergen ýádesin oryndai almaǵanyna keshirim surady. Er azamat retinde. Al, kýzbastyqtar Tóleevti túsinedi. Satqan joq. Qorǵady. Qoldady.
Al, máskeýlik aqparat ieleri Tóleevti bas salyp jamandaýda. Sebebi, osy jiyrma jylda máskeýlik BAQ-qa bas imegen jalǵyz gýbernator Aman Tóleev edi. Eshqandai piarǵa aqsha tólemei, dara turdy.
Máskeýdiń jalaqor aqparat quraldary baǵynbaǵan batyrdy sáti kelgen de armansyz dattap qaldy.
Tóleev Kýzbasyn kóterdi. Halqyn razy etti. Órtengen jerge de barmaǵany sol. Sendi satpaitynyna. Endi olardyń áleýmettik máselesin sheshýge kiristi. Buryn osyndai jaǵdaiǵa tap bolǵandarǵa bizdiń aqshamen bes million teńgege deiin ótemaqy tólenýshi edi. Tóleev ony otyz millionǵa kóterdi. Iaǵni, áleýmettik ótemdi eýropalyq deńgeige jaqyndatqan birinshi Resei gýbernatory boldy.
Mahat Sadyq, jýrnalist.
