Premer-ministr Memleket basshysynyń elimizdiń ekonomikasyna investitsiialar tartý jónindegi tapsyrmalarynyń oryndalý barysyn qaraý jóninde keńes ótkizdi, dep habarlaidy Dalanews.kz.
Basty maqsat – iri investitsiialyq jobalardy iske asyrýdy jedeldetý jáne elimizdegi investitsiialyq ahýaldy jaqsartýǵa kedergi keltiretin júieli máselelerdi sheshý, sondai-aq investitsiialyq saiasattyń tiimdiligin arttyrý, investorlar úshin qolaily jaǵdai jasaý jáne kapital tartý jumystaryn jandandyrý úshin yqtimal sharalardy qarastyrý.
Syrtqy ister ministrligi, Kazakh Invest kompaniiasy basshylyǵynyń jumys qarqyny jáne investitsiialyq qyzmet dinamikasyna áser etken faktorlardy taldaý boiynsha aqparaty tyńdaldy. 2024 jyly Qazaqstanda 1,85 trln teńgege 230 investitsiialyq joba paidalanýǵa berildi. Investitsiialyq shtabtyń jumysy bir jyl ishinde jalpy quny $50 mlrd-tan asatyn jobalar boiynsha investorlardyń 115 problemalyq máselesin joiýǵa múmkindik berdi.
Mysaly, Qytaidyń iri agroónerkásiptik kompaniialarymen nátijeli jumys júrgizildi. Fufeng Group jaqyn arada Jambyl oblysynda $350 mln-ǵa júgerini tereń óńdeý arqyly natrii glýtamatyn óndiretin zaýyt qurylysyn bastaýdy josparlap otyr. Dalian Hesheng Holding Group biyl jazda Aqmola oblysynda bidaidy tereń óńdeý kesheni sheńberinde $650 mln-ǵa qurylys-montajdaý jumystaryna kirisedi. Barlyq kompaniialarmen jobalardy «jailastyrý» boiynsha belsendi jumys jalǵasýda, iaǵni infraqurylymǵa qol jetkizý jáne ákimshilik máselelerdi jedel sheshýdi qosqanda, qolaily jaǵdailar jasaý.
Budan basqa, agroónerkásiptik keshendi, energetikany, ónerkásipti, qurylys materialdaryn óndirýdi jáne basqalaryn qosa alǵanda, ekonomikanyń negizgi salalaryn qamtityn $12 mlrd investitsiialardyń jalpy kólemi bar 20 strategiialyq joba aiqyndaldy. Usynylǵan jobalardyń ishinen biyl 14 joba boiynsha investitsiialar týraly kelisimder jasasý qarastyrylýda, 13 joba boiynsha – qurylys-montajdaý jumystarynyń bastalýy, taǵy 16 joba boiynsha jobalaý-smetalyq qujattamany ázirleýdi bastaý josparlanyp otyr.
Sondai-aq jumys saparlary, kezdesýler men basqa da is-sharalar aiasynda júzege asyrý týraly ýaǵdalastyqtar jasalǵan jobalarǵa nazar aýdaryldy. Premer-ministr iske asyrý merzimderi shegerilgen investitsiialyq jobalarǵa egjei-tegjeili toqtaldy. Almaty, Aqtóbe, Atyraý, Jambyl oblystary men Astana, Shymkent qalalarynyń ákimderi jáne densaýlyq saqtaý, saýda ministrleri baiandama jasady.
«Búginde ákimdikter tarapynan investitsiia tartý boiynsha qabyldanyp jatqan sharalary óńirlerdiń áleýetin ashyp kórsetpeidi, ekonomikalyq áleýet jetkilikti paidalanylmai otyr. Bul baǵyttaǵy jumystar jergilikti ózin-ózi basqarý vertikalynyń barlyq deńgeiinde, onyń ishinde aýdan ákimderi deńgeiinde de júrgizilýi tiis», — dep tapsyrdy Premer-ministr.
Óńir ákimdikteri, Ministrlikter jumysynyń josparly kórsetkishterin engizý boiynsha tásilder maquldandy.
Jobalardy iske asyrýdy monitoringileý men baqylaýdy kúsheitýdiń pármendi tetigi búginde 1159 joba týraly derekter bar jańa Ulttyq tsifrlyq investitsiialyq platforma bolady. Derekter «Atameken» UKP-men birlese toltyrylyp, jergilikti jerlerde ákimdikter tekseredi.
Sonymen qatar keńes barysynda memlekettik organdar jumysynyń tiimdiligine áser etetin jáne shara qoldanýdy talap etetin birqatar túitkildi másele atap ótildi. Olardyń qatarynda infraqurylymnyń tapshylyǵy men jedel qamtamasyz etilmeýi, kúrdeli ákimshilik rásimder men ruqsat berýdegi kidirister, jer telimderin berýdiń uzaq merzimderi bar. Atalǵan máseleler boiynsha tiisti sheshimder qabyldandy..
«Prezident Úkimettiń keńeitilgen otyrysynda investitsiia tartý basy artyq biýrokratiiadan arylyp, jedel vedomstvoaralyq úilestirýdi talap etetin asa mańyzdy jumys ekenin aitty. Memlekettik organdar, ásirese ákimdikter jobanyń iske asyrylý barysyn «tikelei» baqylaýy kerek. Ákimder men ministrler investitsiia tartýmen kúndelikti ainalysyp, búgingi kúnniń basty mindeti – investorlardyń máselelerin jedel sheshýi qajet», — dep atap ótti Oljas Bektenov.
Bul baǵyttaǵy jumystar Premer-ministrdiń erekshe baqylaýynda.
