QR Premer-Ministri Oljas Bektenov TJM-niń Daǵdarystyq jaǵdailarda basqarý ortalyǵynda tótenshe jaǵdailar ministri Shyńǵys Árinovtiń esebin tyńdady. Aýmaqtyq TJD-lar beinekonferentsbailanys rejiminde qosyldy, dep habarlaidy Dalanews.kz.
TJM derekteri boiynsha ákimdiktermen birlesip, 2,3 mln m3 astam aǵyn sý shyǵarylyp, 162 myńnan astam qum toltyrylǵan qapshyq jáne 31 587 tonna inertti material tóseldi. Apattyq-qutqarý jumystaryna 6 349 adam, 2 192 tehnika, 689 sorǵy quraly jáne t.b. jumyldyryldy.
“Bul – sońǵy jyldardaǵy eń úlken sý tasqyny. Qazir bastysy – adam ómirin saqtap qalý jáne apat zardaptaryn azaitý. Keiin jekelegen laýazymdy tulǵalardyń óz qyzmettik mindetterine salǵyrt qaraýynyń yqtimal faktilerin anyqtaý maqsatynda egjei-tegjeili tekserý júrgiziletin bolady. Men bul máseleni Bas Prokýrormen talqyladym. Búginde barlyq kúsh sý tasqynyna qarsy jumystarǵa jumyldyryldy. Meniń birinshi orynbasarym Roman Vasilevich Skliar eń qatty zardap shekken óńirlerde júr” , - dedi Oljas Bektenov.
Úkimet basshysy sondai-aq soltústik óńirlerde de sý basý qaýpi bar ekenin atap ótti. Buǵan deiin Soltústik Qazaqstan oblysyndaǵy sý toraptarynyń jaǵdaiy tekserilgen bolatyn.
TJM basshylyǵyna elimizdiń barlyq óńirindegi jumystarǵa baqylaýdy kúsheitý tapsyryldy.
