Shymkent qalasyna jumys sapary barysynda Qazaqstan Premer-Ministri aýyl sharýashylyǵyndaǵy óńdeý, farmatsevtika jáne tamaq ónerkásibi salalarynyń ókilderimen kezdesti. Prezident Joldaýyndaǵy ónerkásiptik áleýetti tolyq ashý jáne ekonomika ósiminiń jańa núktelerin damytý jónindegi mindetterdi iske asyrý barysy men sharalary talqylandy, dep habarlaidy Dalanews.kz.
Premer-Ministr qalanyń ónerkásiptik áleýetimen tanysty. "Himfarm" farmatsevtikalyq zaýytynyń aýmaǵynda Úkimet basshysyna óndiristik qýattar jyl saiyn 1 mlrd birlikke deiin tabletkalar, kapsýlalar men túiirshikter, 250 mln ampýla inektsiialyq eritindiler jáne basqasyn shyǵarýǵa múmkindik beretini baiandaldy. Farmatsevtikalyq kásiporyn 89 atalym boiynsha dárilik zattardy jetkizedi. Qalanyń farmatsevtika salasynda kásiporynnyń úlesi 99,2%-dy, respýblika boiynsha – 43%-dy quraidy. Kásiporynda 897 adam jumys isteidi. Qyzmetkerler Eýropa elderinde únemi beiindik oqytýdan jáne biliktiligin arttyrýdan ótedi. Úkimet basshysy farmatsevtika ónerkásibindegi otandyq óndiristiń úlesin odan ári arttyrýdyń mańyzyn atap ótti.
Shymkent qalasynyń Altyntóbe eldimekenindegi "Alan jáne Kompaniia" djem men shyryn óndiretin kásipornyna barǵan kezde zaýyt saǵatyna 7 tonnaǵa deiin kókónis pen jemisterdi óńdeýge múmkindik beretin zamanaýi jabdyqtarmen jabdyqtalǵany baiandaldy. 45 gektar jerge tamshylatyp sýarý júiesi ornatylǵan, alma, shabdaly, almurt jáne júzim ósiriledi. Kompaniiaǵa "Investitsiialyq salymdar kezinde AÓK sýbektisi shekken shyǵystardyń bir bóligin óteý boiynsha sýbsidiialaý" baǵdarlamasy sheńberinde memlekettik qoldaý kórsetildi.
Importty almastyrý maqsatynda 2024-2028 jyldarǵa arnalǵan aýyl sharýashylyǵy ónimderin qaita óńdeýdi damytý jónindegi keshendi josparǵa salanyń básekege qabilettiligin arttyrý jónindegi qadamdar engizildi. Ol úshin qaita óńdeý kásiporyndaryn sapaly shikizatpen qamtamasyz etý, saqtaý syiymdylyqtary men tehnologiialyq jabdyqtardy jańǵyrtý úshin investitsiialardy belsendi tartý, sondai-aq qosymsha óndiristik qýattardy qurý kózdelgen. Premer-Ministr atalǵan sharalar salaǵa eleýli qoldaý kórsetetinin jáne otandyq qaita óńdelgen ónimder óndirisin ulǵaitýǵa yqpal etetinin atap ótti. Bul ishki naryqty toltyrýǵa jáne importty almastyrý máselelerin sheshýge múmkindik beredi.
Jumys sapary barysynda Úkimet basshysy The Coca-Cola Company saýda belgileri bar alkogolsiz sýsyndar shyǵaratyn jańa zaýytpen tanysty. «Koka Kola Almaty Bottlers» birlesken kásiporny Shymkent qalasyndaǵy saýda-logistikalyq ortalyqtyń aýmaǵynda ornalasqan. Kásiporyn gazdalǵan, gazdalmaǵan sýsyndar men bótelkedegi sýdy óndiredi, zaýyttyń qýaty – jylyna 283 mln litr. 100 jumys ornyn ashatyn jobadaǵy investitsiia somasy 27 mlrd teńgeni quraidy.
Premer-Ministr jergilikti jerlerde investorlarǵa kórsetiletin qoldaý sharalaryna, sondai-aq olar shyǵaratyn ónimniń sapasyn únemi arttyrýdyń mańyzyna nazar aýdardy. Prezidenttiń Qazaqstan halqyna Joldaýynda qoiylǵan mindetterdi iske asyrý aiasynda damýdyń ary qaraiǵy keleshegine nazar aýdaryldy.
"Memleket basshysy Úkimet pen ákimderge ekonomikanyń qurylymyn ózgertý máselesine erekshe nazar aýdarýdy, elimizdiń ornyqty ilgerileýin qamtamasyz etýge baǵyttalǵan jańa tetikterdi qarastyrýdy tapsyrdy. Jeke investitsiialardy tartý mańyzdy. Jańa kásiporyndar ashylady, óitkeni bul ekonomikalyq turǵydan tiimdi. Sonymen birge ónerkásiptiń áleýetin odan ári ashý qajet. Bizdiń aldymyzda óńdeý úlesin 70%-ǵa deiin jetkize otyryp, bastapqy óndiristen joǵary deńgeide óńdelgen ónimder shyǵarýǵa kóshý mindeti tur. Úkimet óz kezeginde investorlarǵa el ekonomikasy úshin mańyzdy jobalardy iske asyrýda qoldaý kórsetedi", — dep atap ótti Oljas Bektenov.
Premer-Ministr biznesti qoldaýdyń qoldanystaǵy sharalarynyń tiimdiligi men naqtylyǵyn odan ári kúsheitýdiń mańyzyna nazar aýdardy. Óz kezeginde biznesten ekologiiany qorǵaýǵa, mektepter men balabaqshalardy jáne basqa da áleýmettik nysandardy abattandyrýǵa, jańǵyrtýǵa úles qosatyn áleýmettik jaýapkershilik kútiledi.
