Úkimet otyrysynda QR Premer-Ministri Oljas Bektenov elimizdegi sý tasqyny jaǵdaiyna qarsy kúreske qatysýshylarǵa alǵys aitty, dep habarlaidy Dalanews.kz.
Úkimet basshysy Qazaqstan azamattaryna qutqarýshylarǵa barynsha kómek kórsetýge jáne olardyń jumysyna kedergi keltirmeýge shaqyrdy.
Ministrler kabineti basshysynyń aitýynsha, tótenshe jaǵdailar organdary qyzmetkerleri men qutqarýshylardyń jumysy óte qiyn jáne qaýip-qaterge toly.
Batys Qazaqstan oblysynda serjant Batyrbek Qapsyqov qyzmettik mindetin atqarý kezinde eki birdei pyshaq jaraqatyn alǵan. Qylmysker ustaldy.
Aqtóbe oblysynda tasqyn jaǵdaiynda qutqarý qyzmetteriniń jumysshylary júkti áieldi bosandyryp aldy. Olardyń is-áreketiniń arqasynda anasy men jańa týǵan egizder qutqaryldy.
Kúshtik qurylymdardyń qyzmetkerleri men qutqarýshylar shyn máninde batyldyq kórsetýde.
"Osy múmkindikti paidalana otyryp, men qazirgidei qiyn jaǵdaida el turǵyndaryna kómek qolyn sozyp jatqan qutqarýshylarǵa, ushqyshtarǵa, Ishki ister ministrligi men Ulttyq ulannyń qyzmetkerlerine, meditsina qyzmetkerlerine jáne qatardaǵy eriktilerge alǵysymdy bildirgim keledi", — dedi Oljas Bektenov.
