Qazaqstan Premer-Ministri Oljas Bektenov Túrkistan oblysyna jumys sapary aiasynda Qoja Ahmet Iasaýi kesenesine baryp, Memleket basshysynyń sáýlet óneriniń jarqyn úlgisi ári IýNESKO-nyń álemdik mádeniettiń biregei murasyn saqtaý isi jónindegi tapsyrmasynyń oryndalý barysymen tanysty, - dep habarlaidy Dalanews.kz.
Qoja Ahmet Iasaýi kesenesi – Túrkistannyń sáýlet-tarihi kesheniniń biri, oǵan jyl saiyn 1 mln-nan astam adam kelip, ziiarat etedi.Keseneniń tiisti jai-kúiin saqtaý jónindegi jumystar tabiǵi jaǵdailardyń áserine bailanysty jáne biregei sáýlet eskertkishi men IýNESKO-nyń dúniejúzilik mura nysanynyń saqtalýyn qamtamasyz etýge baǵyttalǵan.
Kúrdeli jóndeý jumystary ótken jyldyń tamyz aiynan bastap júrgizilip keledi. Búginde kesenede syrtqy orta men klimattyq faktorlardyń áserin ólsheitin datchikter ornatylǵan.
Ǵylymi-restavratsiialyq jóndeý jumystary jalǵasýda.Úkimet basshysy mádeni eskertkishti saqtaý boiynsha júrgizilip jatqan jumystardyń mańyzdy ekenin atap ótti.
«Qoja Ahmet Iasaýi kesenesi – tek qazaq halqynyń emes, búkil adamzattyń asyl murasy. Memleket basshysy keseneniń tarihi kelbetin saqtaýǵa qatysty tapsyrma berdi. Bul – bizdiń ortaq mindetimiz. Keseneniń jai-kúiin erekshe baqylaýda ustaý qajet», — dedi Oljas Bektenov. Premer-Ministr Úkimet tarapynan júrgizilip jatqan jumystarǵa barlyq qoldaý sharalary kórsetiletinin atap ótti.
