Olimpiada chempiony Dmitrii Balandin Aziianyń sý sporty uiymynyń basshylyǵyna kirdi, dep habarlaidy dalanews.kz.
Júzýden Olimpiada chempiony, sondai-aq «Qazaq Aquatics» respýblikalyq qoǵamdyq birlestiginiń bas hatshysy Dmitrii Balandin Asia Aquatics uiymy biýrosynyń quramyna endi. Asia Aquatics – Aziia qurlyǵyndaǵy sý sporty túrlerin damytýǵa jaýapty jetekshi uiym.
Jańa mártebege sáikes Dmitrii Balandin uiym biýrosynyń jumysyna qatysyp, qurlyqtaǵy sý sportynyń damýyna qatysty negizgi máselelerdi talqylaidy. Sondai-aq strategiialyq sheshimder qabyldaý protsesine atsalysady.
Bul taǵaiyndaý Qazaqstanda ótetin iri halyqaralyq jarys qarsańynda júzege asty. 2026 jylǵy 15–17 qazan aralyǵynda Astana qalasy alǵash ret World Aquatics Swimming World Cup Astana 2026 júzýden álem kýbogy kezeńin qabyldaidy.
Mamandardyń pikirinshe, qazaqstandyq Olimpiada chempionynyń Asia Aquatics basshylyǵyna enýi elimizdiń halyqaralyq sport uiymdaryndaǵy bedelin arttyryp, sý sportynyń damýyna jańa múmkindikter ashýy múmkin.
