Qarmet óndiristik alańdarynda óndiristi aýqymdy jańǵyrtý jumystary jalǵasyp jatyr. Kompaniianyń odan ári ósimin qamtamasyz etýge, ónim túrlerin keńeitýge jáne tolyq metallýrgiialyq tsikldi nyǵaitýǵa negiz bolatyn birqatar joba júzege asyrylýda, dep habarlaidy dalanews.kz.
Jańǵyrtýdyń negizgi baǵyttarynyń biri – ónimdi tereńirek óńdeý óndiristerin damytý. Atap aitqanda, jańa sortty prokattaý tsehynyń qurylysy jalǵasyp jatyr. Ol Qarmet-ke jylyna qosymsha 540 myń tonnadan astam metall ónimin shyǵarýǵa múmkindik beredi. Qazirgi ýaqytta qurylys alańyna 1,5 myń tonnadan astam armatýra jáne 1,5 myń tonnadan astam metall konstrýktsiia jetkizildi. Jumystar bir mezgilde birneshe ýchaskede júrgizilýde: ǵimarattar men tehnologiialyq jabdyqtardyń irgetastary betondandyrylyp, temirbeton qańqalar turǵyzylýda, metall konstrýktsiialar men kran jabdyqtary montajdalyp jatyr.
Júzege asyrylyp jatqan jobalardyń bolashaǵyna Qaraǵandy metallýrgiia kombinatynyń ardageri Oleg Nikolaevich Soskovets te joǵary baǵa berdi. Ol kásiporynnyń óndiristik alańdaryn aralap, jańǵyrtý jumystarynyń barysymen tanysty.
Oleg Soskovets 1971 jyly kombinatqa jas maman retinde kelip, valtsovshikten bas direktorǵa deiingi eńbek jolynan ótti. Ár jyldary ol KSRO metallýrgiia ministri, Qazaqstan Respýblikasy Premer-Ministriniń birinshi orynbasary jáne Qazaqstan Respýblikasynyń ónerkásip ministri qyzmetterin atqardy.
Kombinatta ondaǵan jyl eńbek etip, metallýrgiia óndirisin jaqsy biletin mamannyń baǵasy kásiporyn tehnologiialyq jańǵyrtýdyń aýqymdy kezeńinen ótip jatqan qazirgi ýaqytta airyqsha mańyzdy.
«Birinshi kezekte, jańa koks batareialarynyń qurylysyn atap ótý kerek. Jańa óndiris domna óndirisin odan ári damytý úshin berik negiz qalyptastyrýy tiis. Tórtinshi jáne besinshi qaita óńdeý satylaryna da úlken mán berý qajet. Máselen, sortty prokattaý tsehynyń qurylysy asa mańyzdy. Óitkeni Qazaqstanda qurylys jumystarynyń aýqymdy kólemi kútilip otyr. Elge joldar, energetikalyq nysandar, ónerkásiptik jáne azamattyq qurylys qajet. Munyń barlyǵy kóp mólsherde metall men metall konstrýktsiialaryn talap etedi. Bul ónimniń edáýir bóligin Qarmet óndire alady», – dedi Oleg Soskovets.
Qarmet-ti qazirgi jańǵyrtýdyń eń iri jobalarynyń biri – №8 jáne №9 koks batareialarynyń qurylysy. №8 batareia alańynda metall konstrýktsiialardy montajdaý jalǵasyp jatyr. Qazir josparlanǵan 500 tonnanyń 300 tonnasy ornatyldy. №8 jáne №9 koks batareialaryna arnalǵan shetki alańdardy salý úshin topyraqty qazý jumystary tolyq aiaqtaldy.
Keshen iske qosylǵannan keiin onyń óndiristik qýaty jylyna 1,5 million tonna qurǵaq koks óndirýge jetedi. Joba Qarmet-tiń jeke shikizat bazasyn nyǵaityp, tolyq metallýrgiialyq tsikldiń turaqtylyǵyn arttyrýǵa múmkindik beredi.
Sonymen birge Oleg Soskovetstiń aitýynsha, jańǵyrtý aýqymy ekonomikalyq tiimdilikpen jáne óndiriletin ónimge degen suranyspen tikelei bailanysty bolýy kerek.
«Kez kelgen sheshim ekonomikalyq tiimdilik pen ónimge degen suranys turǵysynan baǵalanýy qajet. Búginde álemde óndiristik qýattardyń eleýli artyqshylyǵy bar. Sondyqtan kombinat óte kúrdeli básekelestik ortada jumys istep otyr. Qytai bolatty kóp óndiredi, Resei men Úndistan da óndiris kólemin arttyryp keledi. Mundai jaǵdaida, eń aldymen, Qazaqstannyń ishki naryǵyn damytý, qurylys, jol infraqurylymy men ónerkásip salalaryndaǵy múmkindikterdi paidalaný qajet», – dep atap ótti ol.
Ardagerdiń pikirinshe, ishki óndirister men infraqurylymdy damytý metallýrgiialyq ónimderge degen qosymsha suranysty qalyptastyrady. Osy turǵydan alǵanda, Qarmet-ti jańǵyrtý tek jabdyqtardy jańartýmen shektelmeidi. Ol elimizdiń bolashaqtaǵy ónerkásiptik damýyna qajetti óndiristik bazany qalyptastyrýmen tikelei bailanysty.
Kásiporynnyń adami áleýeti de erekshe mańyzǵa ie. Zamanaýi óndiris jańa jabdyqtarmen qatar, tehnologiialyq turǵydan kúrdeli júielermen tiimdi jumys istei alatyn bilikti mamandardy qajet etedi.
«Men kásiporynda bilikti mamandar men aýqymdy jobalardy kórdim. Kombinattyń bolashaǵy bar dep esepteimin. Qolda bar resýrstardy tiimdi paidalaný, basqarý júiesin jetildirý, óndiristik personaldy qoldaý jáne qajetti jabdyqtardy jetkize alatyn kásiporyndarmen ózara bailanysty damytý óte mańyzdy.
Qazaqstandy alda aýqymdy ónerkásiptik jáne infraqurylymdyq damý kútip tur. Ol úshin energetikaǵa, joldarǵa, qurylysqa jáne jańa óndiristerge metall qajet bolady. Sondyqtan bir nárseni nyq aita alamyn: Qarmet búginde Qazaqstan ekonomikasynyń bolashaq damý baǵytymen úndesip keledi», – dedi Oleg Soskovets.
Búginde Qarmet alańdarynda bazalyq óndiris satylaryn jańartýdan bastap, qosylǵan quny joǵary premiým ónimder shyǵarýdy damytýǵa deiingi jańa óndiristik infraqurylym qalyptasyp jatyr.
Qoldanystaǵy óndiristik qýattardy jańǵyrtý men jańa óndiristerdi iske qosýdy qatar qamtityn bul júieli jumys Qazaqstannyń bolashaqtaǵy indýstriialyq damýynyń berik negizin qalyptastyryp, eldiń metallýrgiialyq áleýetin jańa deńgeige kóterýge múmkindik beredi.
