Onyń sózinshe, "dúrliktirýshiler men arandatýshylar – koronovirýstyń ózi siiaqty bizdiń dushpanymyz", dep habarlaidy dalanews.kz.
Qurmetti qazaqstandyqtar!
Elimizdiń Prezidenti Q.K.Toqaev engizgen tótenshe jaǵdai - ýaqtyly jáne qajetti shara.
Bizdiń ortaq maqsatymyz - koronavirýs infektsiiasynyń taralýymen kúresý, onyń Qazaqstan ekonomikasyna jáne adamdardyń ómirine teris yqpal etýiniń aldyn alý.
Barlyq memlekettik qyzmetter, ákimdikter azamattardyń qaýipsizdigin qamtamasyz etýge jáne halyqty barlyq qajetti zattarmen úzdiksiz qamtamasyz etý máselesin sheshýge jumyldyrylǵan.
Qazirgi ýaqytta meditsina qyzmetkerlerine barynsha kómek pen qoldaý kórsetý qajet - olar osy aýrýmen kúrestiń aldyńǵy qatarynda, adamdardyń ómiri men densaýlyǵy olardyń kásibiligi men jaýapkershiligine bailanysty.
Biz quqyq qorǵaý organdarynyń áreketterine jáne tótenshe jaǵdailar kezindegi azamattardyń tártibi men qaýipsizdigin qamtamasyz etý qajettiligine bailanysty shekteýlerge túsinistikpen qaraýymyz kerek.
Memlekettik organdardyń mindeti - pandemiia jáne onymen kúresý boiynsha júrgizilip jatqan sharalar týraly aqparattyń barynsha ashyqtyǵy men senimdiligin qamtamasyz etý.
Úreili kóńil kúi, qaýeset pen jalǵan aqparat taratýǵa úzildi-kesildi toqtaý salý kerek. Dúrliktirýshiler men arandatýshylar – koronavirýstyń ózi siiaqty bizdiń dushpanymyz.
Pandemiiamen kúresýdegi bizdiń ortaq jetistigimiz, birinshi kezekte, búkil qoǵamnyń, elimizdiń barlyq azamattarynyń, bizderdiń, qazaqstandyqtardyń jaýapkershilik ustanymyna bailanysty. Tynyshtyqty, tártipti, gigienany saqtaý, oqshaýlaný, ózińizge jáne jaqyn adamdaryńyzǵa qamqorlyq jasaý - virýspen kúresýdiń basty quraly.
Búgin bárimizge yntymaqtastyq jáne ózara jaýapkershilik pen kómek qajet.
Ózińizdi jáne jaqyn adamdaryńyzdy kútińizder.
Bárimiz birge jeńemiz!
Qazaqstan Respýblikasy Parlamentiniń Senaty qalypty rejimde jumys isteidi. Alaida, koronavirýstyń aldyn-alýǵa bailanysty, depýtattardyń negizgi jumysy komitetterde toptastyrylatyn bolady. Senatorlar zań jobalarymen jumys jasaidy jáne parlamenttik tyńdaýlarǵa materialdar jinaidy.
Qazaqstan Respýblikasy Parlamenti Senatynyń Tóraǵasy D. N. NAZARBAEVA.
