Qazaqtyń súiikti ánshisi Meirambek Bespaev 40 jasqa toldy.
Áleýmettik jelidegi ánshige aitylǵan igi-tilekterdiń arasynda jýrnalist Jarqyn Túsipbektiń tómendegi quttyqtaýy erekshe eken. Jýrnalist bylai dep jazypty:
"Ol aýyrǵanda muqym qazaqtyń qabyrǵasy qaiysyp, ýaiymǵa salyndy.
Ol bala kúninde «Boztorǵaidy» aitqanda kózinen jas shyqpaǵan qazaq qalmady, qarshadai balanyń taǵdyryna alańdap, Meirambekti jetim dep oilady.
Ol namazǵa jyǵylǵanda bári sájdege basyn idi.
Ol qalai án aitsa, qalǵan ánshiler de sonyń jolymen júrdi.
Ol jái sybyrlap sóilegeniniń ózi de án siiaqty, aýzynan shyqqan árbir dybys nota.
Ol ánshiligin buldamady, ónerin satpady.
Ol qansha tanymal bolsa da, sonshalyqty qarapaiym boldy.
Ol kósilip suhbat bermedi, sheshilip sóilemedi. Ishindegi sheri tek án bop bozdap shyqty. Ánderi áýezdi, sózderi áýen tabiǵatyna sai boldy.
Ol tabiǵatynan mýzykant, ánshi, aqyn boldy. Júregi qalaǵan ándi aitty, júreginen shyqqan sózdi ǵana án etti.
Ol orystildi tyńdarmandardyń ózin qazaqsha ánge elitip, shoý biznes tilin ana tilimizge ikemdei bastady. Tipti, Baian Esentaeva da Meirambektiń erekshe daryn, shynaiy talant ekenin moiyndap, halyq aldyndaǵy bedeliniń asqaqtyǵyn eskerip, kinosyna tarta bastady.
Ol bala kúninde-aq «Alǵashqy mahabbat» filmine túsip, kino qorymyzdy bir molaitty.
Sol Meirambek búgin 40 jasqa tolyp otyr. Shyǵarmashylyǵyna tabys, ónerine mán tileimiz!" – dep jazady jýrnalist.
Al tanymal prodiýser Serik Abas-Shah Meirambektei inisin:
"PRAZDNIKbek 5PAEV inime:
40 jas - jas qoi, toryqpa,
Shaba ber, jortyp, joryqta!
5paev 105 jasasyn,
65 qosshy, "sorokqa".
Serik aǵa. 07.11.2016" - dep quttyqtaǵan eken.
