Qarabalinder otbasynyń ólimine qatysty sot protsesinde jańa derekter aityldy, dep habarlaidy dalanews.kz.
Sot barysynda belgili bolǵandai, Sultan Sársemáliev úide aqsha, qujattar men baǵaly zattardyń qaida saqtalǵanyn aldap bilgen. Tergeý nusqasyna sáikes, ol marqumdardyń qyzy Meiramgúlge Aqbaiandy Tashkentke emdelýge aparý úshin qujattar men aqsha daiyndaý qajet ekenin aityp, jasyryn orynnyń qaida ekenin suraǵan.
Onyń shynaiy nietinen kúdiktenbegen áiel otbasylyq jinaqtyń búktelgen kórpeshelerdiń arasynda turǵanyn aitqan.
Tergeý málimetinshe, sodan keiin Sársemáliev jasyryn jerden 60 myń teńge, úsh jeke kýálik, PIN-kodtary jazylǵan úsh bank kartasy jáne eki jańa altyn saqinany alyp ketken.
Bul mán-jailar sotta kórsetilgen tergeý eksperimentiniń beinejazbasymen rastalǵan. Kadrlarda sottalýshy marqumdardyń jasyryn jerinen zattardy qalai izdep, qalai alǵanyn kórsetken.
Qazirgi ýaqytta sot protsesi jalǵasyp jatyr.
