QR Bas prokýratýrasynyń resmi ókili Oksana Peterstiń brifingtegi tezisi jariialandy, dep habarlaidy Dalanews.kz.
Armysyzdar, qadirli otandastar!
Búgingi brifingte barshańyzdy - qoǵamymyzǵa iritki salyp júrgen qandyqol qylmyskerdiń áreketterinen saq bolýǵa shaqyramyz.
Qazaqstan demokratiialyq tańdaýy qozǵalysy ekstremistik uiym. Ony kim basqaratynyn kópshililik bile bermeidi.
Jetekshisi - Muhtar Ábliazov. Onyń arbaýyna túsken keibir azamattar - ókinishke orai, oǵan zor senim artady.
Esterińizge salaiyq, 90-shy jyldary ol bizneste bolyp, keiin "KEGOS" ulttyq kompaniiasyn jáne Energetika ministrligin basqarǵan.
Kóp uzamai, ol - zańdy belden basyp ury, jemqor, alaiaq jáne adam óltirýshi qylmyskerge ainaldy.
Energetika ministri kezinde jemqorlyq jasaǵany úshin 2002-shi jyly 6 jylǵa bas bostandyǵynan aiyrylǵan.
Qylmysyna ókinip, memleket basshysy men halyqtan keshirim surap, túzelýge ýáde bergen edi. Keshirilgen soń, bostandyqqa shyǵaryldy.
Alaida, bailyqqa qunyǵyp, qylmystyq áreketterin ári qarai jalǵastyrdy.
2005-shi jyly óziniń biznes seriktesi, BTA banktiń tóraǵasy - Tátishevti óltirýdi uiymdastyrǵany ashyq sotta dáleldendi.
Qylmysker Toqmadi- Tátishevti ań aýlaý kezinde Ábliazovtyń tapsyrysymen óltirip, ony jazataiym oqiǵa retinde kórsetkenin, ol úshin 4 mln AQSh dollaryn alǵanyn moiyndady.
Tátishevti óltirtken soń, Ábliazov bankty ielenip, basqarý júiesine óziniń sybailastaryn taǵaiyndap, qylmystyq top qurǵan.
Ábliazovtyń qylmystyq, qiturqy áreketteri san túrli bolǵan. Ózi qurǵan firmalarǵa jalǵan qujattar arqyly milliardtaǵan nesieler berip, jeke paidasyna jaratqan.
Mysaly, ol- óz baqylaýyndaǵy jarǵylyq kapitalynda nebári 92 myń teńgesi bolǵan "Rambýrs" seriktestigine - 103 mlrd teńge nesie bergen.
Urlanǵan qarajattarǵa Ábliazov aktsiialar, elitaly úiler men páterlerdi satyp alǵan.
Otbasyna 3 ushaq satyp alyp, olardyń paidalanylýyna bankten jylyna 1 mlrd teńge jumsap otyrǵan.
Qylmystary áshkerelengen soń, ol 2009-shy jyly Reseide, keiin Angliiada, 2012 -shi jyly Frantsiiada bas saýǵalady.
Shetelde jaily ómir súrý úshin, aldyn- ala qarajatty offshor arqyly elden shyǵaryp alǵan.
Offshor degenimiz - sheteldik kompaniialardy eshkim teksermeitin, baqylamaityn, shynaiy qojaiyndary belgisiz, salyq tólenbeitin, qylmystyq qarajattardy jasyrýǵa ońtaily memleketter.
Ol- offshorlyq memleketterdi paidalanyp 7,5 mlrd AQSh dollaryn jymqyrǵan.
Ábliazovtyń alaiaqtyq áreketterinen qazaqstandyqtar ǵana emes, frantsýzdar, nemister, amerikalyqtar men basqalar da zardap shegýde.
Milliardtardy jymqyrǵany úshin Resei, Ýkraina memleketteri oǵan izdeý jariialady.
Ótken jyly Niý-Iork soty Ábliazovtyń - saiasi qýdalaýdamyn -, degen ýájin teriske shyǵaryp, ony aiypty dep tanydy.
Londonnyń Joǵarǵy soty Ábliazovty - alaiaq dep tanyp, odan 4 mlrd AQSh dollaryn óndirýge, jalǵan jaýap bergeni úshin 22 aiǵa bas bostandyǵynan aiyrýǵa úkim kesken.
Angliia Ishki ister ministrligi- ony bosqyn mártebesinen aiyrǵan soń, ol Frantsiiaǵa qashyp ketken.
Sol jerde, ol, ózin- Qazaqstan biligimen qýdalaýda júrgen saiasi qairatker keipinde tanytyp, demokratiia úshin kúresýshi retinde imidj qalyptastyra bastady.
Onyń osy ekijúzdigiliginiń maqsaty bir- qylmystyq jaýaptylyqtan jaltarý.
Aita ketetin jáit, 2017-shi jyly "Keshki Bishkek" basylymyna bergen suhbatynda, Ábliazov- Qazaqstanǵa sý berýdi toqtatýdy usynǵan. Osylaisha, eldiń ońtústigin - qurǵaqshylyqtan zardap shekkizýge umtylǵan.
Qazirgi tańda oǵan qatysty kóptegen azamattyq protsester júrgizilýde.
Búginde 1 mlrd AQSh dollarynan astam qarajat qaitaryldy.
Qylmystyq ister boiynsha 8 aiyptaý úkimi shyǵyp, 42 adam sottalǵan.
Jymqyrylǵan qarajatty qaitarý men ony jaýaptylyqqa tartý úshin tiisti jumystar atqarylýda.
Qurmetti otandastar!
Búginde Ábliazov- halyq múddesin jeleý etip, jalǵan uranmen azamattardy zańsyz aktsiialarǵa úgitteýin jalǵastyryp keledi.
Ol sizderdi - qoǵamda áleýmettik alaýyzdyq jáne ultaralyq qaqtyǵysty týdyrý úshin paidalanýda. Oǵan bir-birimizge degen senimimizdi joǵaltqanymyz tiimdi.
Abliazovtyń kóksegeni- elimizdiń tynyshtyǵy, azamattarymyzdyń amandyǵy emes, jeke basynyń múddesi, mansaby. Ol qylmystyq jaýaptylyqtan qutylýdy kózdeidi.
Buryn ózi jymqyrǵan Sizderdiń qarajattaryńyzdy mitingke shyqqandarǵa tóleýde.
Biz sizderdi arandatýshylyqqa boi aldyrmaýǵa, zańsyz aktsiialarǵa qatysýdan bas tartýǵa shaqyramyz.
Nazarlaryńyzǵa raqmet!
https://youtu.be/1pVFruADky0
