ق ر باس پروكۋراتۋراسىنىڭ رەسمي وكىلى وكسانا پەتەرستىڭ بريفينگتەگى تەزيسى جاريالاندى، دەپ حابارلايدى Dalanews.kz.
ارمىسىزدار، ءقادىرلى وتانداستار!
بۇگىنگى بريفينگتە بارشاڭىزدى - قوعامىمىزعا ىرىتكى سالىپ جۇرگەن قاندىقول قىلمىسكەردىڭ ارەكەتتەرىنەن ساق بولۋعا شاقىرامىز.
قازاقستان دەموكراتيالىق تاڭداۋى قوزعالىسى ەكسترەميستىك ۇيىم. ونى كىم باسقاراتىنىن كوپشىلىلىك بىلە بەرمەيدى.
جەتەكشىسى - مۇحتار ءابليازوۆ. ونىڭ ارباۋىنا تۇسكەن كەيبىر ازاماتتار - وكىنىشكە وراي، وعان زور سەنىم ارتادى.
ەستەرىڭىزگە سالايىق، 90-شى جىلدارى ول بيزنەستە بولىپ، كەيىن "KEGOس" ۇلتتىق كومپانياسىن جانە ەنەرگەتيكا مينيسترلىگىن باسقارعان.
كوپ ۇزاماي، ول - زاڭدى بەلدەن باسىپ ۇرى، جەمقور، الاياق جانە ادام ءولتىرۋشى قىلمىسكەرگە اينالدى.
ەنەرگەتيكا ءمينيسترى كەزىندە جەمقورلىق جاساعانى ءۇشىن 2002ء-شى جىلى 6 جىلعا باس بوستاندىعىنان ايىرىلعان.
قىلمىسىنا وكىنىپ، مەملەكەت باسشىسى مەن حالىقتان كەشىرىم سۇراپ، تۇزەلۋگە ۋادە بەرگەن ەدى. كەشىرىلگەن سوڭ، بوستاندىققا شىعارىلدى.
الايدا، بايلىققا قۇنىعىپ، قىلمىستىق ارەكەتتەرىن ءارى قاراي جالعاستىردى.
2005ء-شى جىلى ءوزىنىڭ بيزنەس سەرىكتەسى، بتا بانكتىڭ ءتوراعاسى - تاتىشيەۆتى ءولتىرۋدى ۇيىمداستىرعانى اشىق سوتتا دالەلدەندى.
قىلمىسكەر توقمادي- تاتىشيەۆتى اڭ اۋلاۋ كەزىندە ءابليازوۆتىڭ تاپسىرىسىمەن ءولتىرىپ، ونى جازاتايىم وقيعا رەتىندە كورسەتكەنىن، ول ءۇشىن 4 ملن اقش دوللارىن العانىن مويىندادى.
تاتىشيەۆتى ولتىرتكەن سوڭ، ءابليازوۆ بانكتى يەلەنىپ، باسقارۋ جۇيەسىنە ءوزىنىڭ سىبايلاستارىن تاعايىنداپ، قىلمىستىق توپ قۇرعان.
ءابليازوۆتىڭ قىلمىستىق، قيتۇرقى ارەكەتتەرى سان ءتۇرلى بولعان. ءوزى قۇرعان فيرمالارعا جالعان قۇجاتتار ارقىلى ميللياردتاعان نەسيەلەر بەرىپ، جەكە پايداسىنا جاراتقان.
مىسالى، ول- ءوز باقىلاۋىنداعى جارعىلىق كاپيتالىندا نەبارى 92 مىڭ تەڭگەسى بولعان "رامبۋرس" سەرىكتەستىگىنە - 103 ملرد تەڭگە نەسيە بەرگەن.
ۇرلانعان قاراجاتتارعا ءابليازوۆ اكسيالار، ەليتالى ۇيلەر مەن پاتەرلەردى ساتىپ العان.
وتباسىنا 3 ۇشاق ساتىپ الىپ، ولاردىڭ پايدالانىلۋىنا بانكتەن جىلىنا 1 ملرد تەڭگە جۇمساپ وتىرعان.
قىلمىستارى اشكەرەلەنگەن سوڭ، ول 2009-شى جىلى رەسەيدە، كەيىن انگليادا، 2012 ء-شى جىلى فرانسيادا باس ساۋعالادى.
شەتەلدە جايلى ءومىر ءسۇرۋ ءۇشىن، الدىن- الا قاراجاتتى وففشور ارقىلى ەلدەن شىعارىپ العان.
وففشور دەگەنىمىز - شەتەلدىك كومپانيالاردى ەشكىم تەكسەرمەيتىن، باقىلامايتىن، شىنايى قوجايىندارى بەلگىسىز، سالىق تولەنبەيتىن، قىلمىستىق قاراجاتتاردى جاسىرۋعا وڭتايلى مەملەكەتتەر.
ول- وففشورلىق مەملەكەتتەردى پايدالانىپ 7،5 ملرد اقش دوللارىن جىمقىرعان.
ءابليازوۆتىڭ الاياقتىق ارەكەتتەرىنەن قازاقستاندىقتار عانا ەمەس، فرانسۋزدار، نەمىستەر، امەريكالىقتار مەن باسقالار دا زارداپ شەگۋدە.
ميللياردتاردى جىمقىرعانى ءۇشىن رەسەي، ۋكراينا مەملەكەتتەرى وعان ىزدەۋ جاريالادى.
وتكەن جىلى نيۋ-يورك سوتى ءابليازوۆتىڭ - ساياسي قۋدالاۋدامىن -، دەگەن ءۋاجىن تەرىسكە شىعارىپ، ونى ايىپتى دەپ تانىدى.
لوندوننىڭ جوعارعى سوتى ءابليازوۆتى - الاياق دەپ تانىپ، ودان 4 ملرد اقش دوللارىن وندىرۋگە، جالعان جاۋاپ بەرگەنى ءۇشىن 22 ايعا باس بوستاندىعىنان ايىرۋعا ۇكىم كەسكەن.
انگليا ىشكى ىستەر مينيسترلىگى- ونى بوسقىن مارتەبەسىنەن ايىرعان سوڭ، ول فرانسياعا قاشىپ كەتكەن.
سول جەردە، ول، ءوزىن- قازاقستان بيلىگىمەن قۋدالاۋدا جۇرگەن ساياسي قايراتكەر كەيپىندە تانىتىپ، دەموكراتيا ءۇشىن كۇرەسۋشى رەتىندە يميدج قالىپتاستىرا باستادى.
ونىڭ وسى ەكىجۇزدىگىلىگىنىڭ ماقساتى ءبىر- قىلمىستىق جاۋاپتىلىقتان جالتارۋ.
ايتا كەتەتىن ءجايت، 2017ء-شى جىلى "كەشكى بىشكەك" باسىلىمىنا بەرگەن سۇحباتىندا، ءابليازوۆ- قازاقستانعا سۋ بەرۋدى توقتاتۋدى ۇسىنعان. وسىلايشا، ەلدىڭ وڭتۇستىگىن - قۇرعاقشىلىقتان زارداپ شەككىزۋگە ۇمتىلعان.
قازىرگى تاڭدا وعان قاتىستى كوپتەگەن ازاماتتىق پروسەستەر جۇرگىزىلۋدە.
بۇگىندە 1 ملرد اقش دوللارىنان استام قاراجات قايتارىلدى.
قىلمىستىق ىستەر بويىنشا 8 ايىپتاۋ ۇكىمى شىعىپ، 42 ادام سوتتالعان.
جىمقىرىلعان قاراجاتتى قايتارۋ مەن ونى جاۋاپتىلىققا تارتۋ ءۇشىن ءتيىستى جۇمىستار اتقارىلۋدا.
قۇرمەتتى وتانداستار!
بۇگىندە ءابليازوۆ- حالىق مۇددەسىن جەلەۋ ەتىپ، جالعان ۇرانمەن ازاماتتاردى زاڭسىز اكسيالارعا ۇگىتتەۋىن جالعاستىرىپ كەلەدى.
ول سىزدەردى - قوعامدا الەۋمەتتىك الاۋىزدىق جانە ۇلتارالىق قاقتىعىستى تۋدىرۋ ءۇشىن پايدالانۋدا. وعان بىر-بىرىمىزگە دەگەن سەنىمىمىزدى جوعالتقانىمىز ءتيىمدى.
ابليازوۆتىڭ كوكسەگەنى- ەلىمىزدىڭ تىنىشتىعى، ازاماتتارىمىزدىڭ اماندىعى ەمەس، جەكە باسىنىڭ مۇددەسى، مانسابى. ول قىلمىستىق جاۋاپتىلىقتان قۇتىلۋدى كوزدەيدى.
بۇرىن ءوزى جىمقىرعان سىزدەردىڭ قاراجاتتارىڭىزدى ميتينگكە شىققاندارعا تولەۋدە.
ءبىز سىزدەردى ارانداتۋشىلىققا بوي الدىرماۋعا، زاڭسىز اكسيالارعا قاتىسۋدان باس تارتۋعا شاقىرامىز.
نازارلارىڭىزعا راقمەت!
https://youtu.be/1pVFruADky0
