Úsh aidan beri ógei anadan qorlyq kórdim degen 14 jastaǵy jasóspirim, qorqynyshty kúnderdi eske alǵysy kelmeidi. Diana tamaq jegeni úshin de ábden soqqyǵa jyǵylǵanyn aitady. Tipti qul sekildi jumsap, úidegi barlyq sharýany da jasatatyn edi deidi. Talai taiaq jese de Diana bárine kónip júrgen. Óitkeni týǵan anasy tórt balany jalǵyz ózi asyrai almaidy dep oilaǵan.
«Bir aptadan asyp maǵan tamaq bermedi, tek qana sý men nan ǵana jedim. Keiin eshteńe bermedi. Meni julqylap iterip jiberdi. Nege iteresiń dep edim, keiin jerge jatqyzyp, belimnen teýip, denemniń bárin tyrnap tastady. Tura almai jatqan edim, shashymdy julyp, qaityp turǵyzyp, qaitadan urdy. Qatty aýyrdy. Sóitip ne isterimdi bilmei bolnitsaǵa bardym. Olar teksermei, tek jeńil jaraqat dep jazyp berdi», – dedi jábirlenýshi Diana ESENOVA .
Sodan soń kishkentai Diana tártip saqshylaryna shaǵymdanyp túsinikteme beredi. Alaida kináliler jazasyn tartqan joq dep otyr. Qaita ony úiden qýyp jibergen.
"Úige kireiinshi" dep jyladym. "Kirgizbeimin, seniń úiiń emes" dep qýyp jiberdi. Keiin depýtatqa bardym, jyladym. Ol ákeme zvondap, kirgizsin dedi. Keiin bardym úige, ol maǵan: "sonymen qorqytasyń ba?" dep aýzyna kelgenin aityp tastady. Osyǵan deiin de shapalaqpen urǵan, tamaq ta bermeidi. Kórmegen nársem joq», – dedi jábirlenýshi Diana ESENOVA .
Osyndai qorlyqqa shydai almaǵan, Diana Nur Otannan kómek suraidy. Sońynda ol kámeletke tolmaǵan balalardy beiimdeý ortalyǵynan bir-aq shyǵady.
[video width="1280" height="720" mp4="https://dalanews.kz/wp-content/uploads/2017/06/ÓGEI-ShEShESINEN-QORLYQ-KÓRGEN-14-JASAR-QYZ-DEPÝTATTAN-ARAShA-SURADY.mp4"][/video]
«Diana esimdi kámeletke tolmaǵan jasóspirim 7 maýsym kúni saǵat 16-30 túsken bizdiń mekemege. Sebebi zańdy ókilsiz júrgen úshin. Qyzdyń ústinde dene jaraqaty bolmaǵan, biraq kókirek tusynda jyrylǵan jerde boldy. Qyzben suhbattastyq, onymen sóilestik. Sodan soń Saryaǵash aýdandyq bilim bólimine, IIB-na hattar joldandy», – dedi OQO Kámiletke tolmaǵandardy beiimdeý ortalyǵynyń áleýmettik ustazy Sáýle OŃǴARBAEVA.
Al, Diananyń týǵan anasy Ryskúl Jolanova shyndyqty bilgen soń, birden Saryaǵash aýdanynyń ishki ister basqarmasyna baryp, qyzyn urǵan ózbek azamatshasyna aryzdanady. Sodan soń, Dianany beiimdeý ortalyǵynan shyǵaryp alady. Endi, Ryskúl hanym 14 jasar qyzyn arnaiy meditsinalyq saraptamadan ótkizbekshi. Aitýynsha, Diananyń búiregine zaqym tigen, sondyqtan birinshi kezekte jasóspirimdi Nursat yqsham aýdanyndaǵy balalar aýrýhanasynda emdeýdi kózdep otyr. Aita keteiik, Ryskúl Jolanova kúieýimen 2016 jyly ajyrasqan. Tórt balaly jalǵyzbasty ana, olardy jalǵyz ózim baǵa almaimyn dep, eki qyzyn ákesimen qaldyrǵan.
«Sodan keiin men ajyrastym, eki úlken qyzym ákesimen qaldy. Ol basta qaraǵan. Keiin ózbek azamatshasy Ferýza esimdi áiel keldi úige. Men seniń qyzdaryńa ana bolam dep kirgen. Eki ai úndemegen. Sodan keiin mende bilmeýshi edim, qyzym qazir jylap maǵan kelip otyr... kórsetken qorlyqtaryn aityp. 15 jyl turǵan kúieýimniń úndemegenine tańym bar. Óz balalaryn osy ortalyqqa ótkizdi. Balalary eseigenshe múgedek bolatyn boldy taiaq jep...», – deidi Esenova Diananyń anasy Ryskúl JOLANOVA.
Qazir bul ispen Saryaǵash aýdanyndaǵy Ishki ister basqarmasy ainalysýda. Oqiǵa biyl 3 maýsym kúni Saryaǵash aýdanynda oryn alǵan.
Derekkóz: kk.tvk-uko.kz
Video: Youtube-tegi TVK-UKO telekanal paraqshasynan alyndy.
