Biyl onyń 500 páteri, iaǵni 35 turǵyn úi paidalanýǵa beriledi. Búgin bul týraly Túrkistan oblystyq óńirlik kommýnikatsiialar qyzmetinde ótken brifingte Qurylys basqarmasynyń basshysy Quttybek Jamashev málim etti.
Budan ózge, turǵyn úi qurylysy aýdandarynda injenerlik kommýnikatsiialardy jailastyrý boiynsha 2018 jyly oblysta memlekettik biýdjet qarajaty esebinen 9 nysannyń qurylysy júrgizilýde.
Sondai-aq, Túrkistan oblysyn perspektivalyq damytý boiynsha Túrkistan qalasynyń bas josparyn qaita ázirleý boiynsha aǵymdaǵy jyldyń 12 shildesinde halyqaralyq konkýrs jariialanǵan bolatyn.
– Qaita ázirlengen bas josparǵa sáikes, «Turǵyn úi qurylysyn damytý» kontseptsiiasy bekitiletin bolady. Túrkistan oblysynyń ákimi Janseiit Túimebaevtyń ideiasy boiynsha kontseptsiiada Túrkistan qalasyn túrki áleminiń rýhani-mádeni ortalyǵy retinde damytý maqsatynda salynatyn kópqabatty turǵyn úiler Qoja Ahmet Iasaýi kesenesinen biik bolmaidy. Óitkeni – mavzolei múmkindiginshe qalanyń barlyq jaǵynan kórinýi qajet. Salynatyn baspanalar Orta Aziialyq stilde, iaǵni kóne dáýirdegi sáýletpen salynady, – dedi Quttybek Rahmattýllauly.
QR Úkimetiniń 22.06.2018 jylǵy № 372 qaýlysymen bekitilgen «Nurly jer» memlekettik turǵyn úi baǵdarlamasy aiasynda aǵymdaǵy jyly Túrkistan oblysy úshin turǵyn úidi paidalanýǵa tapsyrý jospary 344,7 myń sharshy metr bolyp belgilengen. 2018 jyldyń 6 aidyń qorytyndysy boiynsha 202,4 myń sharshy metr turǵyn úi paidalanýǵa berilip, ótken jyldyń osy merzimimen salystyrǵanda 30 paiyzǵa artqan.
Oblysta 2018 jyly qarjylandyrýdyń barlyq kózderi arqyly 79 kópqabatty turǵyn úidiń qurylysy júrgizilýde. Jyl qorytyndysymen 35 úi paidalanýǵa beriledi. Qurylys jumystarynyń naqty kólemi indeksi boiynsha 2018 jyldyń jospary – 140,8 mlrd. teńge. Bul meje 6 aidyń qorytyndysy boiynsha 117,8 paiyz oryndaldy.
Túrkistan oblysy ákiminiń baspasóz qyzmeti
