Oqý-aǵartý ministrligi 2026-2027 oqý jylyna arnalǵan oqýlyqtar men oqý-ádistemelik keshenderdiń tizbesin bekitý jáne bilim berý uiymdaryn oqýlyqtarmen qamtamasyz etý jumystaryn jalǵastyryp jatyr, dep habarlaidy dalanews.kz.
Memleket basshysy Qasym-Jomart Toqaevtyń tapsyrmasyna sáikes oqýlyqtarǵa qosymsha saraptama júrgizilgen. Oqýlyqtardyń sapasy Úkimettiń erekshe baqylaýynda.
Buǵan deiin premer-ministrdiń orynbasary - mádeniet jáne aqparat ministri Aida Balaeva qosymsha tekseria barysynda mektep oqýlyqtarynan 700-den asa eskertý men qate anyqtalǵanyn habarlaǵan bolatyn. Osyǵan bailanysty oqýlyqtardy bekitýge deiin olardy qosymsha jetildirý týraly sheshim qabyldandy.
"Qazir baspalarmen jáne sarapshylarmen birlesip, eskertýler joiylyp jatyr. Qosymsha ýaqyt oqýlyqtardyń sapasyn tolyq qamtamasyz etý úshin qajet. Sonymen qatar, bilim berý uiymdaryn oqýlyqtarmen jáne oqý-ádistemelik keshendermen qamtamasyz etý jumystary josparly túrde jalǵasyp jatyr. Oqýlyqtardy jańartý kezeń-kezeńimen júzege asyrylady. 2026 jylǵy 30 tamyzǵa deiin 3-synyptarǵa arnalǵan "Qazaq tili", "Orys tili", "Matematika", "Dúnietaný", "Ádebiettik oqý", "Mýzyka" pánderi boiynsha, sondai-aq, 7-synypqa arnalǵan "Dúniejúzi tarihy" páni boiynsha oqýlyqtar satyp alynady. Oqýlyqtardy tańdaý Etandau.gov.kz elektron platformasy arqyly júzege asyryldy. Onyń nátijesi boiynsha jergilikti atqarýshy organdar ótinishterdi qalyptastyryp, baspalarǵa joldady", - dep jazylǵan habarlamada.
Oqýlyqtardy odan ári jańartý da kezeń-kezeńimen júzege asyrylady: 2027 jylǵy 1 qańtarǵa deiin 4 jáne 9-synyptarǵa, 2027 jylǵy 1 sáýirge deiin 8-synyptarǵa arnalǵan oqýlyqtar jańartylady.
