"Qazaqstannyń azamattary Nigerde qamaýǵa alyndy degen aqparat tarap jatyr. Bul málimet shyndyqqa janaspaidy. Sebebi azamattarymyz bul elde erkin júre alady. Tek olardyń tólqujatyn alyp qoiǵan", - dedi Aibek Smadiiarov SIM-de ótken baspasóz máslihatynda.
Onyń sózinshe, Niger astanasy Niamei qalasynda qazaqstandyqtar ustalǵany týraly aqparatty alǵannan keiin 9-12 qańtarda Qazaqstannyń Mysyrdaǵy konsýly Niger astanasyna barǵan. Onda ol Syrtqy ister jáne Ishki ister ministrlikteriniń ókilderimen, Qarýly kúshter bas shtabynyń basshylyǵymen kezdesken.
"2023 jylǵy shildede Nigerde áskeri tóńkeris bolǵany belgili. Osyǵan bailanysty Nigerdiń memlekettik organdarymen ózara árekettesýde qiyndyq týyndap otyr. Diplomattarymyz Nigerdiń tiisti organdaryna resmi saýaldar joldady. Otandastyrymyzdy Qazaqstanǵa qaitarý boiynsha sharalar qabyldanyp jatyr. Qazaqstan azamattary qamaýǵa alynbaǵan, júrip-turýyna shekteý qoiylmaǵan, ekeýi de qonaqúide turady. Alaida jergilikti áskeriler olardyń tólqujatyn tárkilep alǵan. Qazir osy máseleni sheshý úshin bar kúshimizdi salyp jatyrmyz", - dedi resmi ókil..
Sýret: diapazon.kz
