"قازاقستاننىڭ ازاماتتارى نيگەردە قاماۋعا الىندى دەگەن اقپارات تاراپ جاتىر. بۇل مالىمەت شىندىققا جاناسپايدى. سەبەبى ازاماتتارىمىز بۇل ەلدە ەركىن جۇرە الادى. تەك ولاردىڭ ءتولقۇجاتىن الىپ قويعان"، - دەدى ايبەك سمادياروۆ سىم-دە وتكەن باسپا ءسوز ءماسليحاتىندا.
ونىڭ سوزىنشە، نيگەر استاناسى نيامەي قالاسىندا قازاقستاندىقتار ۇستالعانى تۋرالى اقپاراتتى العاننان كەيىن 9-12 قاڭتاردا قازاقستاننىڭ مىسىرداعى كونسۋلى نيگەر استاناسىنا بارعان. وندا ول سىرتقى ىستەر جانە ىشكى ىستەر مينيسترلىكتەرىنىڭ وكىلدەرىمەن، قارۋلى كۇشتەر باس شتابىنىڭ باسشىلىعىمەن كەزدەسكەن.
"2023 جىلعى شىلدەدە نيگەردە اسكەري توڭكەرىس بولعانى بەلگىلى. وسىعان بايلانىستى نيگەردىڭ مەملەكەتتىك ورگاندارىمەن ءوزارا ارەكەتتەسۋدە قيىندىق تۋىنداپ وتىر. ديپلوماتتارىمىز نيگەردىڭ ءتيىستى ورگاندارىنا رەسمي ساۋالدار جولدادى. وتانداستىرىمىزدى قازاقستانعا قايتارۋ بويىنشا شارالار قابىلدانىپ جاتىر. قازاقستان ازاماتتارى قاماۋعا الىنباعان، ءجۇرىپ-تۇرۋىنا شەكتەۋ قويىلماعان، ەكەۋى دە قوناقۇيدە تۇرادى. الايدا جەرگىلىكتى اسكەريلەر ولاردىڭ ءتولقۇجاتىن تاركىلەپ العان. ءقازىر وسى ماسەلەنى شەشۋ ءۇشىن بار كۇشىمىزدى سالىپ جاتىرمىز"، - دەدى رەسمي وكىل..
سۋرەت: diapazon.kz
