Munan bólek, shalǵaidaǵy mektepterdi qoldaýǵa baǵyttalǵan joba aiasynda otandyq jáne sheteldik ekspertter aýyl muǵalimderine óz baiandamalaryn usyndy.
Olardyń qatarynda Ulybritaniiadaǵy Kembridj ýniversitetiniń qurmetti professory Kolin Maklaflin, Qazaqstannyń eńbek sińirgen ustazy Kúlásh Shámshidinova, Niderlandtaǵy Halyqaralyq Mektepter Keńesiniń (CIS) atqarýshy direktory Djein Larsson, Ulybritaniiadaǵy Anglian Learning Multi Academy Trust kompaniiasynyń negizin qalaýshy Keit Evans, litvalyq psihiatr Dariýs Radkiavichiiýs, norvegiialyq sýretshi-karikatýrashy Oistein Kristiansen bar. Jalpy, halyqaralyq konferentsiiaǵa álemniń 7 elinen eń tańdaýly 19 sheteldik ekspert shaqyrtylǵan.
«Aýyl mektebiniń órkendeýi – qoǵam igiliginiń kepili» ataýymen ótken pedagogikalyq basqosý aýyldyq mektepterdegi bilim berý sapasyn arttyryp, árbir oqýshynyń ál-aýqatyn qamtamasyz etýge baǵyttalǵan. Igi shara «Aýyldyq jerlerde tirek mektepterdiń áleýetin damytý» jobasy aiasynda Oqý-aǵartý ministrligi, «Qazaqstan halqyna» qoǵamdyq qory jáne Bilim berý salasyn turaqty damytý qorymen seriktestikte uiymdastyryldy.
Konferentsiiaǵa elimizdiń aýyldyq eldi mekenderinen 330-dan asa pedagog qatysty. Condai-aq muǵalimder eki kún boiy sektsiialyq otyrystar men master-klastarda biliktiliktiligin arttyryp, pikir almasty. Konferentsiia aiasynda Kolin Maklaflin, Dúishón Shamatov, Ǵabit Bekahmetov syndy avtorlardyń kitaptarynyń tanystyrylymy ótti.
Aita ketsek, «Aýyldyq jerlerde tirek mektepterdiń áleýetin damytý» jobasy boiynsha qazir 80 aýyldyq tirek mektep zamanaýi jabdyqtarmen qamtylyp, ádistemelik kómek alýda. Aldaǵy ýaqytta 200-ge tarta bilim oshaǵy qamtylady. Qazir 2400-ge jýyq pedagog biliktiligin arttyrdy. Sonyń nátijesinde pedagogterdiń kásibi senim deńgeii 15 protsentke artyp otyr. Al tirek mektepterdegi oqýshylardyń sabaqty meńgerý kórsetkishi 38%-ǵa artqan.
