"Qurmetti dostar!
Qazaqstanda sportpen ainalysamyn degen adamǵa bar múmkindik qarastyrylǵan. Bul prezidentimizdiń sportqa degen oń kózqarasynyń nátijesi.
Osy oraily sátti paidalana otyryp, barsha qazaqstandyqtarǵa qoldaýlaryńyz úshin alǵys aitqym keledi.
Men es bilgeli qiynshylyqty, joqshylyqty kórip óstim. Sol kezdegi bala arman meni biik belesterge jeteledi.
Eń alǵash sportqa qadam basqanda olimpiadada top jaryp, muqtaj jandarǵa kómektesý armanym bolatyn.
Búgin de sol armanyma qol jetkizip otyrmyn.
Memleket tarapynan maǵan beriletin qomaqty syiaqyny men muqtaj otbasylar men naýqas balalardyń emine jumsamaqpyn. Elimizde baqytty otbasylardyń sany kóp bolsyn!", - deidi ol óziniń instagram paraqshasynda.
