Qazaqstannyń burynǵy prezidenti Nursultan Nazarbaevtyń 21 jastaǵy uly Taýman Nazarbaevtyń úilengeli jatqany týraly aqparat tarady, dep habarlaidy dalanews.kz.
Ulysmedia.kz málimetinshe, úilený toiy Astanadaǵy The Ritz-Carlton qonaqúiinde ótýi múmkin. Basylym dereginde saltanatty sharaǵa kásipkerler, saiasatkerler jáne Nursultan Nazarbaev prezident bolǵan kezeńde joǵary laýazymdy qyzmet atqarǵan tulǵalar shaqyrylýy yqtimal ekeni aitylady.
Sonymen qatar qonaqúi aýmaǵynda qaýipsizdik sharalary kúsheitilgeni habarlanǵan.
Basylym qalyńdyqtyń Indýstriia jáne infraqurylymdyq damý ministriniń burynǵy orynbasary Ádilbek Sársembaevtyń qyzy ekenin jazady. Alaida bul málimetterge qatysty resmi aqparat jariialanǵan joq.
Taýman Nazarbaev 2005 jyly dúniege kelgen. Onyń anasy – 1999 jylǵy "Miss Qazaqstan" baiqaýynyń jeńimpazy Asel Isabaeva.
Nursultan Nazarbaev óziniń "Meniń ómirim. Táýeldilikten erkindikke" atty memýarynda Asel Isabaevamen musylmandyq dástúr boiynsha nekege turǵanyn jazǵan. Osy nekeden Taýman jáne Baiken esimdi eki uly bar ekenin de aitqan.
