«Taǵy bir tolǵandyratyn másele – ajyrasý. 1 mln 500 neke qıylsa, ajyrasý 25-30%. Nege ajyrasady? Óıtkeni mektepte joǵary synyp oqýshylaryn osy taqyryp boıynsha oqytpaımyz: qarym-qatynas, erkek pen áıeldiń eseıýi, qalaı júkti bolady, odan ne shyǵady (…). Psıhologııany ózgertý kerek. Mektepte jumys isteý kerek. Munyń eshqandaı da uıaty joq. Bári adamǵa tán nárse. Sol úshin osyǵan mán berip otyrmyn«, — dedi ol.
Onyń sózinshe, munyń bári «psıhologııalyq másele«.
«Nege ajyrasady? Túrli jaǵdaı bolady: bireý áke-sheshesimen syıyspaıdy, endi bireýlerde baspana joq, taǵy bireýiniń aılyǵy jetpeıdi. Eń bastysy – daıyn emes jastar otbasyn qurýda. Qyzdar óz rólin bilmeıdi, uldar da munyń úlken jaýapkershilik ekenin túsinbeıdi.
Eger semáńdy asyraı almasań, jumys istemeseń, áli bilim almaǵan bolsań, onda ol semány qurmaı-aq qoıýyńa bolady emes pe?
Mine, osyny jastarǵa kim aıtady? Bireý aıtý kerek! Osyny mektepten bastaý kerek«, — dep sanaıdy eken memleket basshysy.
Sodan keıin prezıdent ómirden túńilip ketken qazaqstandyqtarǵa óz aqylyn qosty.
«Biz ómirimizge jıi shaǵymdanamyz: anaý jetpeıdi, mynaý jetpeıdi deımiz.
Eger túńilip bara jatsań, bar, aýrýhananyń ishine kirip shyq. Bolmasa zırattyń ishinde júrip qaıt.
Ol jerde jaǵdaıy senikinen de qıyn bireýler jatyr. Biz – qol-aıaǵymyz saý bola tura: «oı, qıyn boldy» dep jylaımyz. Olaı emes. Bul ómirde bári múmkin. Basyńdy kóter de jumys iste. Mine, másele osynda jatyr. Jastarǵa osyny úıretý kerek", — dedi Nazarbaev.
