«Ýaqyt kórsetedi» iýtýb arnasyna bergen suhbatynda «Azattyq» radiosynyń Qazaqstandaǵy ókildiginiń jetekshisi Qasym Amanjol osylai oi aitty.
Jýrnalistke baǵdarlamanyń júrgizýshisi «Zamanbek Qalabaiulyn óltirýge tapsyrys bergen kim?» - degen suraq qoiady. Al júrgizýshi suraǵyna Qasym Amanjol: «Bilmeimin, qaidan bilemin? Ondai aqparatym joq. Kim tapsyrys berdi, qalai boldy? Túrli boljamdar aitylady» dep qyssha jaýappen núkte qoiǵysy keledi.
Alaida júrgizýshi Nurqadilovtyń seksen jyldyǵy týraly aityp, áńgimeni qaita burdy.
Oǵan Q.Amanjol: «Batyrǵa teńep jatyrsyńdar. Men ásire baǵalaýdy qalamaityn adammyn. Iá, árine, qaza boldy, ókinishti, obal, árine. Iá, ol Nazarbaevpen aiqasyp, Nazarbaev júiesimen deiikshi, kúresip júrgen kezinde qaza boldy. Sol sebepti onyń ataǵy shyǵyp, dáýirlep aitylatyny ras. Biraq ár nársege dál baǵa bere bilýimiz kerek. Zamanbek Nurqadilov keibir áriptesteri, zamandastary aitqandai domokratiianyń, Qazaqstandaǵy oppozitsiianyń, azamattyq qoǵamnyń, Qazaqstandaǵy búkil demokratiiashyl kúshterdiń uly tulǵasy boldy dep aita almaimyn» deidi.
Odan ary oiyn tolyqtyryp «Ol óz zamanynyń azamaty edi. Óz zamanynyń kúresker azamaty boldy. Óz zamanynda jaýlary boldy, dostary boldy, jaqsy dáýren súrdi. Ózi aiqasyp júrip, qajasyp júrip qaza boldy. Biraq ony Qazaqstandaǵy sóz bostandyǵy úshin, demokratiia úshin, úlken uly murattar úshin qaza boldy dep aitý artyqtaý.
Óte qaishylyqty tulǵa bolatyn. Qarapaiym mysal, qaza bolarynyń aldynda úiiniń podvalynan 1 mln dollar urlap ketti. Kúzetshisi me, bireýlerdiń qatysy bar dedi. Is qozǵaldy. 1 mln dollar. Qolma qol aqsha. Ózińiz elestetip kórińizshi, biýdjet qyzmetkeri bolǵan adam, bir kún biznespen ainalyspaǵan adamnyń podvalynda, seifinde bir million dollar qalai jatady?
Sondai suraq qoiylǵan kezde, ol «Maqpaldyń gonarary» dep aitty. Men toiǵa baryp, Qazaqstandaǵy qazaqsha kontsertterge shyǵyp júrip million dollar jinap qoidy dep oilamaimyn. 2000 jyldardyń basy, osydan jiyrma jyl buryn» deidi Q.Amanjol.
Zamanbek Nurqadilov týraly sóziniń sońynda: «Shyndyq úshin shyryldap, keibir adamdar elestetip júrgendei ádilettiń simvoly bolatyn bolsa, onyń úiinde million dollar shashylyp jatpas edi ǵoi. Qarapaiym ǵana suraqtar. Ondai sózdi aitqan kezde Arondy eske alamyz. Aronnyń úiinen tabyldy dese, elestete alar ma edińiz? Osy siiaqty suraqtardy qoǵam qoiýy kerek» deidi.
