«ۋاقىت كٶرسەتەدٸ» يۋتۋب ارناسىنا بەرگەن سۇحباتىندا «ازاتتىق» راديوسىنىڭ قازاقستانداعى ٶكٸلدٸگٸنٸڭ جەتەكشٸسٸ قاسىم امانجول وسىلاي وي ايتتى.
جۋرناليستكە باعدارلامانىڭ جٷرگٸزۋشٸسٸ «زامانبەك قالابايۇلىن ٶلتٸرۋگە تاپسىرىس بەرگەن كٸم?» - دەگەن سۇراق قويادى. ال جٷرگٸزۋشٸ سۇراعىنا قاسىم امانجول: «بٸلمەيمٸن, قايدان بٸلەمٸن? ونداي اقپاراتىم جوق. كٸم تاپسىرىس بەردٸ, قالاي بولدى? تٷرلٸ بولجامدار ايتىلادى» دەپ قىسشا جاۋاپپەن نٷكتە قويعىسى كەلەدٸ.
الايدا جٷرگٸزۋشٸ نۇرقادٸلوۆتىڭ سەكسەن جىلدىعى تۋرالى ايتىپ, ەڭگٸمەنٸ قايتا بۇردى.
وعان ق.امانجول: «باتىرعا تەڭەپ جاتىرسىڭدار. مەن ەسٸرە باعالاۋدى قالامايتىن اداممىن. يە, ەرينە, قازا بولدى, ٶكٸنٸشتٸ, وبال, ەرينە. يە, ول نازارباەۆپەن ايقاسىپ, نازارباەۆ جٷيەسٸمەن دەيٸكشٸ, كٷرەسٸپ جٷرگەن كەزٸندە قازا بولدى. سول سەبەپتٸ ونىڭ اتاعى شىعىپ, دەۋٸرلەپ ايتىلاتىنى راس. بٸراق ەر نەرسەگە دەل باعا بەرە بٸلۋٸمٸز كەرەك. زامانبەك نۇرقادٸلوۆ كەيبٸر ەرٸپتەستەرٸ, زامانداستارى ايتقانداي دوموكراتييانىڭ, قازاقستانداعى وپپوزيتسييانىڭ, ازاماتتىق قوعامنىڭ, قازاقستانداعى بٷكٸل دەموكراتيياشىل كٷشتەردٸڭ ۇلى تۇلعاسى بولدى دەپ ايتا المايمىن» دەيدٸ.
ودان ارى ويىن تولىقتىرىپ «ول ٶز زامانىنىڭ ازاماتى ەدٸ. ٶز زامانىنىڭ كٷرەسكەر ازاماتى بولدى. ٶز زامانىندا جاۋلارى بولدى, دوستارى بولدى, جاقسى دەۋرەن سٷردٸ. ٶزٸ ايقاسىپ جٷرٸپ, قاجاسىپ جٷرٸپ قازا بولدى. بٸراق ونى قازاقستانداعى سٶز بوستاندىعى ٷشٸن, دەموكراتييا ٷشٸن, ٷلكەن ۇلى مۇراتتار ٷشٸن قازا بولدى دەپ ايتۋ ارتىقتاۋ.
ٶتە قايشىلىقتى تۇلعا بولاتىن. قاراپايىم مىسال, قازا بولارىنىڭ الدىندا ٷيٸنٸڭ پودۆالىنان 1 ملن دوللار ۇرلاپ كەتتٸ. كٷزەتشٸسٸ مە, بٸرەۋلەردٸڭ قاتىسى بار دەدٸ. ٸس قوزعالدى. 1 ملن دوللار. قولما قول اقشا. ٶزٸڭٸز ەلەستەتٸپ كٶرٸڭٸزشٸ, بيۋدجەت قىزمەتكەرٸ بولعان ادام, بٸر كٷن بيزنەسپەن اينالىسپاعان ادامنىڭ پودۆالىندا, سەيفٸندە بٸر ميلليون دوللار قالاي جاتادى?
سونداي سۇراق قويىلعان كەزدە, ول «ماقپالدىڭ گونارارى» دەپ ايتتى. مەن تويعا بارىپ, قازاقستانداعى قازاقشا كونتسەرتتەرگە شىعىپ جٷرٸپ ميلليون دوللار جيناپ قويدى دەپ ويلامايمىن. 2000 جىلداردىڭ باسى, وسىدان جيىرما جىل بۇرىن» دەيدٸ ق.امانجول.
زامانبەك نۇرقادٸلوۆ تۋرالى سٶزٸنٸڭ سوڭىندا: «شىندىق ٷشٸن شىرىلداپ, كەيبٸر ادامدار ەلەستەتٸپ جٷرگەندەي ەدٸلەتتٸڭ سيمۆولى بولاتىن بولسا, ونىڭ ٷيٸندە ميلليون دوللار شاشىلىپ جاتپاس ەدٸ عوي. قاراپايىم عانا سۇراقتار. ونداي سٶزدٸ ايتقان كەزدە اروندى ەسكە الامىز. اروننىڭ ٷيٸنەن تابىلدى دەسە, ەلەستەتە الار ما ەدٸڭٸز? وسى سيياقتى سۇراقتاردى قوعام قويۋى كەرەك» دەيدٸ.
