«Qurmetti dostar! Keshe densaýlyǵyma qatysty oqys jaǵdaıdan soń (prıstýptar) dárigerlerge tekserilýge májbúr boldym. Tolyq tekseristen keıin syrqattyń belgisi baıqaldy. Dárigerler uzaqmerzimdi em-domdy birden bastaýdy, ony turaqty qabyldaýdy jáne bastysy – ushaqpen ushýdy belgili bir ýaqytqa deıin toqtatýdy talap etti.
Medısınalyq talap qazirgi qyzmetimdi tolyqqandy atqarýǵa kedergisin keltiretini belgili. Sebebi aımaqtarǵa jáne shetelderge is-saparlar turaqty túrde bolady. Bul – jıi ushaqpen ushý degen sóz.
Shyny kerek, mundaıdy ózim de kútpedim. Jospar basqasha edi. Ótken aptada kirisken qyzmetime bilimimmen, biliktiligimmen daıyn edim. Baspasóz qyzmetin jetildirýge, odan ári ashyq etýge qatysty birneshe ıdeıa, bastamalarym bar edi.
Alaıda «densaýlyq – birinshi baılyq» dep beker aıtpaǵan. Sondyqtan qandaı qyzmet bolsa da, eń aldymen, ýaqyt ótkizbeı, tolyq emdelip alý qajet dep taptym. Osyǵan oraı, Prezıdent baspasóz hatshysy qyzmetin qazir toqtata turýyma týra keledi.
Basshylyq jaǵdaıdy túsindi. Túsinistik tanytqan barsha azamatqa alǵys aıtamyn», – degen jazbasynda.
