Oǵan respýblikalyq biýdjet esebinen 3 milliard 400 million teńge qarjy bólingen. Al keler jyly óńirde «Nurly jol» baǵdarlamasy sheńberinde 300 shaqyrymnan astam oblystyq mańyzy bar avtomobil joldaryna jóndeý jumystaryn jasaý josparlanýda.
O
ǵan elimizdiń qazynasynan 7 milliard 528 million teńge qaralyp otyr. Qazir baǵdarlama aiasynda oblystyń birneshe aýdandarynda kúrdeli jóndeý, orta jóndeý jáne joldy qaita qalpyna keltirý jumystary qarqyn alǵan.
Máselen, Sairam aýdany men Shymkent qalasyn bailanystyratyn 9 shaqyrymdyq avtomobil jolynyń qurylysyn merdiger mekeme osy jyldyń sáýir aiynda bastaǵan. Aldaǵy 2020 jyly tolyq aiaqtap qoldanysqa tapsyratyn bolady.
«Atalǵan joldyń eni 5 metrge uzarǵan. Buryndary munda qarama-qarsy baǵytta eki kólik ótse, endi 4 kólik qatar júre alady», – deidi mamandar.
Oblystyq jolaýshylar kóligi jáne avtomobil joldary basqarmasy basshysynyń orynbasary Rollan Ibragimovtyń aitýynsha, «Nurly jol» memlekettik baǵdarlama aiasynda joldarǵa respýblikalyq biýdjetten 3,4 milliard teńge bólinip, 165 shaqyrym avtomobil joldaryna qaita jańartý, kúrdeli jóndeý, ortasha jóndeý jumystary júrgizilip jatyr.
"Bul bizde birinshi kezekte oblys ortalyǵyn jáne de týrizm nysandaryna baratyn joldardy jóndep jatyrmyz. Sairam aýdanynda 2 jolymyz qaita jańartý jumystary júrip jatyr jáne Túlkibas aýdanynda Túlkibas stansasynan T.Rysqulov aýylyna baratyn joldy da jańartyp jatyrmyz", – deidi ol.
