Ábdesh Imahanov óziniń bar ǵumyryn týǵan óńirin kórkeitýge arnaǵan abzal jan.
1970-1978 jyldar aralyǵynda aýyldyq keńesti basqaryp, aýdannyń órkendeýine ólsheýsiz úles qosty. Edilbai qoiynyń tuqymyn jańǵyrtý baǵytynda úlken jumys atqarǵan bilikti maman.
Ábdesh Imahanovtyń qoi sharýashylyǵy saladaǵy jetistikteriniń arqasynda sovhozǵa «asyl tuqymdy mal ósirgeni» úshin sertifikatpen berilgen bolatyn.
2002 jyly Ábdesh Imahanov Qasqabulaq aýyldyq okrýgindegi «Shiliózek» ýchaskesinde «Ábdesh ata» atty jeke sharýa qojalyǵyn qurdy.
Aqsaqaldyń jetken jetistigi aýyl sharýashylyǵyndaǵy qajyrly eńbegimen ǵana shektelmeidi. Ábdesh Imahanov óziniń kópbalaly otbasymen maqtanady. Ardager 10 bala ósirip, búginde 37 nemere, 24 shóbere súiip otyr.
Eńbek ardageriniń otbasylyq qundylyqty dáripteýi jáne qoǵam ómirine belsene aralasýy bolashaq urpaqqa úlgi.
