Eseptik kezdesý barysynda qala ákimi Nurdáýlet Qilybai 2021 jyly atqarylǵan jumystar men biylǵy jylǵy júzege asatyn josparlar týraly aityp berdi.
Nurlan Noǵaev turǵyndardyń saýaldaryna jaýap berip, densaýlyq saqtaý salalarda kórsetiletin qyzmetterdiń sapasyn jaqsartý, halyqty jumyspen qamtý, shaǵyn aýdandardy abattandyrý jáne kóshelerdi jaryqtandyrý, balalar alańdaryn, balabaqshalar men mektepter salý, qańǵybas itterdi atý usynystaryn tyńdady.
– Mańǵystaý oblysynyń áleýeti óte joǵary, ony tiimdi paidalana bilýimiz qajet. Prezident Qasym-Jomart Toqaevtyń tapsyrmasy boiynsha biz halyqtyń ómir súrý sapasyn jaqsartý boiynsha jumystardy úzdiksiz jalǵastyramyz. Mindetimiz – qolda bar jumys oryndaryn saqtap qalý jáne jańa jumys oryndaryn qurý, zamattyq qoǵamdy damytý arqyly kórsetiletin qyzmetterdiń sapasyn arttyrý. Eń bastysy – qoǵamdyq kelisim men turaqtylyq. Biz ortaq kúsh-jigerimizdiń arqasynda ǵana aitarlyqtai tabysqa qol jetkize alamyz, – dedi Nurlan Noǵaev.
Lift sharýashylyǵyna keletin bolsaq, qalalyq kommýnaldyq menshiktegi 128 lift aýystyrýdy qajet etedi. 2021 jyly 15 lift jańartyldy, biyl taǵy 15 lift aýystyrylady dep josparlanyp otyr.
Qaladaǵy taǵy bir ózekti másele – qoǵamdyq dárethanalardyń bolmaýy. Ony sheshý úshin 2021 jyly qoǵamdyq dárethanalarmen jabdyqtalǵan 8 aialdama salyndy, biyl taǵy osyndai aialdamalar iske qosylady dep josparlanýda. Bul joba qaladaǵy qoǵamdyq dárethanalar máselesin sheshýge kómektesedi.
Kezdesý aiaqtalǵannan keiin oblys ákimi Aqtaý qalasynyń azamattaryn jeke qabyldady.
Osy jyldyń naýryz jáne sáýir ailarynda Mańǵystaý oblysynyń ákimi Nurlan Noǵaev oblystyń shalǵai eldi mekenderi men qalalarynda halyqpen 25 kezdesý ótkizip, 1000-nan astam turǵyndy jeke máseleleri boiynsha qabyldady.
