ەسەپتىك كەزدەسۋ بارىسىندا قالا اكىمى نۇرداۋلەت قيلىباي 2021 جىلى اتقارىلعان جۇمىستار مەن بيىلعى جىلعى جۇزەگە اساتىن جوسپارلار تۋرالى ايتىپ بەردى.
نۇرلان نوعايەۆ تۇرعىنداردىڭ ساۋالدارىنا جاۋاپ بەرىپ، دەنساۋلىق ساقتاۋ سالالاردا كورسەتىلەتىن قىزمەتتەردىڭ ساپاسىن جاقسارتۋ، حالىقتى جۇمىسپەن قامتۋ، شاعىن اۋدانداردى اباتتاندىرۋ جانە كوشەلەردى جارىقتاندىرۋ، بالالار الاڭدارىن، بالاباقشالار مەن مەكتەپتەر سالۋ، قاڭعىباس يتتەردى اتۋ ۇسىنىستارىن تىڭدادى.
– ماڭعىستاۋ وبلىسىنىڭ الەۋەتى وتە جوعارى، ونى ءتيىمدى پايدالانا ءبىلۋىمىز قاجەت. پرەزيدەنت قاسىم-جومارت توقايەۆتىڭ تاپسىرماسى بويىنشا ءبىز حالىقتىڭ ءومىر ءسۇرۋ ساپاسىن جاقسارتۋ بويىنشا جۇمىستاردى ۇزدىكسىز جالعاستىرامىز. مىندەتىمىز – قولدا بار جۇمىس ورىندارىن ساقتاپ قالۋ جانە جاڭا جۇمىس ورىندارىن قۇرۋ، زاماتتىق قوعامدى دامىتۋ ارقىلى كورسەتىلەتىن قىزمەتتەردىڭ ساپاسىن ارتتىرۋ. ەڭ باستىسى – قوعامدىق كەلىسىم مەن تۇراقتىلىق. ءبىز ورتاق كۇش-جىگەرىمىزدىڭ ارقاسىندا عانا ايتارلىقتاي تابىسقا قول جەتكىزە الامىز، – دەدى نۇرلان نوعايەۆ.
بۇگىندە قالا بويىنشا 265 بالالار ويىن الاڭى بار، ونىڭ 55ء-ى جوندەۋدى قاجەت ەتەدى. 2021 جىلى 69 ويىن الاڭىنا جوندەۋ جۇمىستارى اياقتالدى. بيىل قالاعا جاڭادان 10 بالالار جانە 10 سپورت الاڭىن ورناتۋ جوسپارلانۋدا.
ليفت شارۋاشىلىعىنا كەلەتىن بولساق، قالالىق كوممۋنالدىق مەنشىكتەگى 128 ليفت اۋىستىرۋدى قاجەت ەتەدى. 2021 جىلى 15 ليفت جاڭارتىلدى، بيىل تاعى 15 ليفت اۋىستىرىلادى دەپ جوسپارلانىپ وتىر.
قالاداعى تاعى ءبىر وزەكتى ماسەلە – قوعامدىق دارەتحانالاردىڭ بولماۋى. ونى شەشۋ ءۇشىن 2021 جىلى قوعامدىق دارەتحانالارمەن جابدىقتالعان 8 ايالداما سالىندى، بيىل تاعى وسىنداي ايالدامالار ىسكە قوسىلادى دەپ جوسپارلانۋدا. بۇل جوبا قالاداعى قوعامدىق دارەتحانالار ماسەلەسىن شەشۋگە كومەكتەسەدى.
كەزدەسۋ اياقتالعاننان كەيىن وبلىس اكىمى اقتاۋ قالاسىنىڭ ازاماتتارىن جەكە قابىلدادى.
ايتا كەتسەك، مەملەكەت باسشىسى قاسىم-جومارت توقايەۆتىڭ «اكىمدەردىڭ حالىقپەن كەزدەسۋلەرىن وتكىزۋ تۋرالى» جارلىعىنا سايكەس اۋىل، اۋدان، قالا اكىمدەرى حالىقپەن ءار توقسان سايىن كەزدەسەدى. ال وبلىس اكىمدەرى جىلىنا ەكى رەت كوشپەلى كەزدەسۋ وتكىزەتىن بولادى.
وسى جىلدىڭ ناۋرىز جانە ءساۋىر ايلارىندا ماڭعىستاۋ وبلىسىنىڭ اكىمى نۇرلان نوعايەۆ وبلىستىڭ شالعاي ەلدى مەكەندەرى مەن قالالارىندا حالىقپەن 25 كەزدەسۋ وتكىزىپ، 1000-نان استام تۇرعىندى جەكە ماسەلەلەرى بويىنشا قابىلدادى.
