Nurlan Másimovtiń isi boiynsha tárkilengen kólikter qai memlekettik organdarǵa beriletini belgili boldy, dep habarlaidy Dalanews.kz.
Tengrinews.kz málimetinshe,Nurlan Másimovtiń isi boiynsha tárkilengen avtokólikter Bas prokýratýra men Pavlodar oblysy boiynsha Sybailas jemqorlyqqa qarsy qyzmetke berilgen. Eki kólik te memlekettik organdarǵa tegin berilgen.
"Kia Sorent markaly kóligi Qazaqstan Respýblikasy Bas Prokýratýrasynyń janyndaǵy Materialdyq-tehnikalyq qamtamasyz etý departamentine berilse,Toyota RAV4 Sybailas jemqorlyqqa qarsy qyzmettiń Pavlodar oblysy boiynsha departamentine berildi", deidi aýmaqtyq basqarma basshysy Erkin Smaǵulov.
Bul kólikterdiń satylǵany týraly aqparat biyl kóktemde memlekettik aýktsion saitynda paida boldy. Resmi málimet boiynsha, qara tústi 2021 Kia Sorento krossoveri 18,5 million teńgege, al 2021 jyly zaýyt konveierinen de shyqqan Toyota RAV4 16,7 million teńgege baǵalandy.
Krossoverler Nurlan Másimovtiń isi boiynsha iri kólemde múlikti urlaǵany úshin sottalǵan kásipker Evgenii Evkovichke tiesili eken. Tergeý barysynda kásipker pavlodarlyq politseilerge arnaiy qural-jabdyqtar, onyń ishinde oq ótpeitin jilet, dýlyǵa jáne rezeńke taiaqshalardy qymbat baǵamen jetkizip júrgeni anyqtaldy.
