نۇرلان مەسٸموۆتٸڭ ٸسٸ بويىنشا تەركٸلەنگەن كٶلٸكتەر قاي مەملەكەتتٸك ورگاندارعا بەرٸلەتٸنٸ بەلگٸلٸ بولدى, دەپ حابارلايدى Dalanews.kz.
Tengrinews.kz مەلٸمەتٸنشە,نۇرلان مەسٸموۆتٸڭ ٸسٸ بويىنشا تەركٸلەنگەن اۆتوكٶلٸكتەر باس پروكۋراتۋرا مەن پاۆلودار وبلىسى بويىنشا سىبايلاس جەمقورلىققا قارسى قىزمەتكە بەرٸلگەن. ەكٸ كٶلٸك تە مەملەكەتتٸك ورگاندارعا تەگٸن بەرٸلگەن.
"Kia Sorent ماركالى كٶلٸگٸ قازاقستان رەسپۋبليكاسى باس پروكۋراتۋراسىنىڭ جانىنداعى ماتەريالدىق-تەحنيكالىق قامتاماسىز ەتۋ دەپارتامەنتٸنە بەرٸلسە,Toyota RAV4 سىبايلاس جەمقورلىققا قارسى قىزمەتتٸڭ پاۆلودار وبلىسى بويىنشا دەپارتامەنتٸنە بەرٸلدٸ", دەيدٸ اۋماقتىق باسقارما باسشىسى ەركٸن سماعۇلوۆ.
بۇل كٶلٸكتەردٸڭ ساتىلعانى تۋرالى اقپارات بيىل كٶكتەمدە مەملەكەتتٸك اۋكتسيون سايتىندا پايدا بولدى. رەسمي مەلٸمەت بويىنشا, قارا تٷستٸ 2021 Kia Sorento كروسسوۆەرٸ 18,5 ميلليون تەڭگەگە, ال 2021 جىلى زاۋىت كونۆەيەرٸنەن دە شىققان Toyota RAV4 16,7 ميلليون تەڭگەگە باعالاندى.
كروسسوۆەرلەر نۇرلان مەسٸموۆتٸڭ ٸسٸ بويىنشا ٸرٸ كٶلەمدە مٷلٸكتٸ ۇرلاعانى ٷشٸن سوتتالعان كەسٸپكەر ەۆگەنيي ەۆكوۆيچكە تيەسٸلٸ ەكەن. تەرگەۋ بارىسىندا كەسٸپكەر پاۆلودارلىق پوليتسەيلەرگە ارنايى قۇرال-جابدىقتار, ونىڭ ٸشٸندە وق ٶتپەيتٸن جيلەت, دۋلىعا جەنە رەزەڭكە تاياقشالاردى قىمبات باعامەن جەتكٸزٸپ جٷرگەنٸ انىقتالدى.
