Ánshi Nurlan Espanovtyń uly Oljas Espanovtyń basy daýǵa qaldy. Oljastyń qyzdarǵa jazǵan intimdi sipattaǵy hattarynyń skrinderi tarady, - dep habarlaidy Dalanews.kz.
Oljas Espanovtyń jazǵanyn TikTok-qoldanýshysy jariialaǵan bolatyn. Onda kishi Espanov intim sipattaǵy sózder jazǵan.
Artynsha Oljastyń ózi málimdeme jasady.
"Bárińiz men týraly ósek soǵyp, bir-birlerińizge jiberip boldyńyzdar ma? Osyndai qiyn sátte kimniń kim ekenin bildik. Er adam bolǵan soń basyńa ne kelip, ne ketpeidi?! Synaq qoi bári de. Qyzdarǵa jazbai júr ekenmin ǵoi. Sizderge bireýdiń shalynyp qulaǵany jetpei júr eken ǵoi. Heiterlerge jalyndy sálem. Allanyń kózi týra bolsyn. Bul ómirde qatelik jasamaityn adam joq. Bári de qatelesedi, sebebi biz pendemiz", - dedi ol.
Kóp uzamai Espanov qyzmet etetin ýniversitet te bul jaitqa bei-jai qaramai, pikir bildirip, Oljas Espanov jumystan qýylǵanyn jetkizdi.
"Áleýmettik jelilerde SDU qyzmetkerine qatysty jaǵymsyz oqiǵa boldy. Bul keleńsiz jaǵdai ýniversitettiń ishki erejelerine sai kelmeitini bárimizge málim. Sondyqtan da qyzmetkermen eńbek kelisimsharty toqtatyldy.
Oljas Espanov SDU ýniversitetinde 1 jylǵa jýyq qyzmet atqardy. Maman pedagogikalyq baǵytta oqytýshylyq qyzmet atqarmady. Tek ákimshilik bólimindegi SDU press baspahanasynda jumys istedi. SDU University sapaly bilim men qatar, tárbie, rýhani-adamgershilik qundylyqtaryna erekshe mán beredi. Mundai keleńsiz jaǵdai SDU qyzmetkeri tarapynan bolǵanyna ókinish bildiremiz", - delingen jaýapta.
Aita keteiik, Oljas Espanov 2020 jyly burynǵy "Nur Otan" partiiasynyń atynan depýtat bolýǵa úmitker retinde praimerizge qatysqan bolatyn. Sondai-aq, ol 2018 jyly IQ Kazakhstan uiymynyń arnaiy testileýine qatysyp, eń aqyldy dep tabylǵan 30 adamnyń qataryna endi.
