Erimbetov em qabyldaý úshin Ulttyq onkologıa jáne transplantologıa ǵylymı ortalyǵyna jatqyzylǵan bolatyn. Medısınalyq ortalyqtan málim etkendeı, ol búgin túnde baqılyq boldy.
Erimbetov Nurlan Kenjebekuly 1960 jyly 28 mamyrda Qyzylorda qalasynda týǵan. Máskeý memlekettik mádenıet ınstıtýtyn bitirgen. Ár jyldary Qyzylorda oblysy ákiminiń orynbasary, «Otan» saıası partıasynyń hatshysy, «Otan» partıasynyń tóraǵa mindetin atqarýshysynyń hatshysy, «Arna» AQ vıse-prezıdenti, «Aq jol» Qazaqstan demokratıalyq partıasy tóraǵasynyń keńesshisi, «Mádenı front» uıymy basqarmasynyń tóraǵasy bolyp eńbek etti. «Astana» telearnasyndaǵy «Ashyq stýdıa» qoǵamdyq-saıası tok-shoýynyń avtory jáne júrgizýshisi boldy.
2013 jyldyń sáýiri men 2017 jyldyń qyrkúıegine deıin - «Qazaqstan Azamattyq alánsy» zańdy tulǵalar birlestiginiń prezıdenti, 2017 jyldyń 31 naýryzynan bastap - «Samuryq-Qazyna» AQ ombýdsmeni boldy.
Derekkózi: Qazaqparat
