Shymkentte Nurai Serikbaidyń qaza tabýyna bailanysty politsiia qyzmetkerleriniń áreketine quqyqtyq baǵa berilip jatyr. Ishki ister ministriniń orynbasary Sanjar Ádilov atalǵan derek boiynsha birqatar politsiia qyzmetkerine qatysty salǵyrttyq baby boiynsha qylmystyq is qozǵalǵanyn málimdedi, dep habarlaidy Dalanews.kz.
Aitýynsha, qatysty qylmystyq is boiynsha tergeý jalǵasyp jatyr. Qylmysqa qatysy bar kúdiktiler, sonyń ishinde adam urlaý deregimen bailanysy bar tulǵalar qylmystyq jaýapkershilikke tartylǵan.
Prezidenttiń tapsyrmasyna sáikes, Qazaqstan Respýblikasy Ishki ister ministrligi Shymkent qalalyq politsiia departamentiniń basshylyǵyna qatysty qatań sharalar qabyldaǵan. Atap aitqanda, departament basshysy men onyń birinshi orynbasarlary tártiptik jaýapkershilikke tartylyp, qyzmetterinen bosatylǵan.
Sonymen qatar qylmysty der kezinde tirkemei, májbúrlep nekege turǵyzý faktisi boiynsha kúdiktini jedel túrde jaýapkershilikke tartý úshin tiisti shara qabyldamaǵan politsiia qyzmetkerlerine qatysty salǵyrttyq baby boiynsha qylmystyq is qozǵaldy. Atalǵan isti ministrliktiń ózindik qaýipsizdik departamenti tergep jatyr.
