Aqpannyń sońynda Almaty oblysynyń Talǵar aýdandyq soty Rýslan Adaibekovtyń talap aryzy boiynsha sheshim shyǵardy. Ol ulttyq kompaniia ózine tiesili jer telimine zańsyz sorǵy stantsiiasyn salyp, 0,52 gektar aýmaqty onyń ruqsatynsyz basyp alǵanyn aitty, dep habarlaidy Dalanews.kz.
Telegram arnadaǵy málimetke súiensek, QMG zańgerleri sotta barlyq qajetti ruqsat pen jobalyq qujatty alǵannan keiin sorǵy stantsiiasynyń salynyp, paidalanýǵa berilgenin dáleldedi. Ol sorǵy grek-rim jáne erkin kúres, taekvondo, karate, kórkem gimnastika jáne velosporttan ulttyq qurama komanda sportshylary jattyǵatyn "Aq bulaq" shipajaiyn aýyz sý jáne tehnikalyq sýmen qamtamasyz etip otyr.
Sýdy isten shyǵarǵan jaǵdaida, "Aq bulaq" shipajaiy jumysyn toqtatyp, júzden astam adam jumyssyz qalýy múmkin. Bul daýda sot ulttyq kompaniianyń paidasyna sheshim shyǵardy.
Rýslan Adaibekov – eks-prezidenttiń jieni Nuraly Álievtiń qaiyn enesi Leila Adaibekovanyń aǵasy. Onyń uly Elnar Adaibekov 2020 jyldyń maýsymynan 2023 jyldyń maýsymyna deiin «Transtelekom» AQ basqarma tóraǵasy qyzmetin atqardy. Al Dariǵa Nazarbaevanyń tuńǵysh uly sol aktsionerlik qoǵamnyń aktsiia ieleriniń biri.
