Gýmilev atyndaǵy Eýraziia ulttyq ýniversitetiniń COVID-19-ǵa qarsy vaktsinatsiialanǵan stýdentteri men oqytýshylary saýyqtyrý ortalyqtaryna tegin joldamalar, elimizdiń tarihi óńirlerine týrlar, sportzalǵa abonementter, qazaq jáne aǵylshyn tilderin úirenýge arnalǵan sertifikattar, sol siiaqty iri saýda ortalyqtarynda taýarlar satyp alýǵa arnalǵan sertifikattar ala alady.
Atalmysh JOO-da 20 myńǵa jýyq stýdent oqidy, 3000-ǵa jýyq oqytýshy men qyzmetker jumys isteidi.
Túrli syilyqtar men joldamalar vaktsinatsiianyń bir ǵana artyqshylyǵy emes. Aýqymdy vaktsinatsiialaý jaǵdaiynda JOO jańa oqý jylyn tolyqqandy, qalypty rejimde bastai alady. Vaktsinatsiia adam densaýlyǵynyń qaýipsizdigin qamtamasyz etýdiń eń qolaily sheshimi bolyp sanalady.
"Kókshetaý-Zerendidegi "Tumar" oqý-saýyqtyrý keshenine 50 dana tegin joldamany 1-20 shilde aralyǵynda vaktsinatsiialanatyn stýdentterge tartý etýdi josparlap otyrmyz.
Sondai-aq, 1-10 shilde aralyǵynda vaktsinatsiiadan ótken alǵashqy 30 stýdent elimizdiń tarihi jáne rýhani oryndaryna, iaǵni Túrkistan men Semei qalalaryna joldama alady. 1-15 shilde aralyǵynda ekpe alatyn alǵashqy 60 stýdentke aǵylshyn jáne qazaq tilderin oqyp-úirenýge arnalǵan tegin sertifikattar beriledi.
Sonymen qatar, 1-15 shilde aralyǵynda ekpe alǵan 100 stýdentke stýdenttik sport ortalyǵynyń bir ailyq abonementi beriledi. Stýdentter JOO-nyń imidjdik ónimin de utyp ala alady. Sol siiaqty 1-15 shilde aralyǵynda ekpe alǵan alǵashqy 40 oqytýshyǵa "Magnum", "Technodom", "Mechta", "Sulpak" dúkenderiniń arnaiy sertifikattary tapsyrylady", - dedi ýniversitettiń Áleýmettik jáne azamattyq damý departamentiniń direktory Rústem Álqoja.
Aita ketý kerek, EUÝ-da Ashyq ótkizý júiesi jumys isteidi. Oqý korpýstary men stýdenttik úilerdiń kireberisinde dezinfektsiialaý tonnelderi, dene temperatýrasyn ólsheý datchikteri ornatylǵan, sol siiaqty sanitariialyq dárigerler kezekshilik etedi. Ǵimarattardyń ishinde sanitaizerler ornalastyrylǵan, qajetti sanitarlyq normalar saqtalǵan.
EUÝ jappai vaktsinatsiia naýqanyna qatysatyn jalǵyz oqý orny emes. Sáken Seifýllin atyndaǵy QazATÝ da qalys qalǵan joq. 2021 jyldyń 28 tamyzynda saǵat 15:00-de agronomiia fakýlteti aldyndaǵy alańda ýniversitet qyzmetkerleriniń vaktsinatsiialanǵan jáne vaktsinatsiialaý pasportyn alǵan qyzmetkerleri arasynda baǵaly syilyqtardyń utys oiyny ótedi. Vaktsinatsiialanǵan adamdar baǵaly turmystyq tehnikalardy jeńe alady.
