Páterler áleýmettik álsiz toptarǵa jatatyn azamattarǵa berildi. Olara – jetim balalar, UOS múgedekteri men qatysýshylary, kóp balaly otbasylar. Birneshe bloktardan turatyn turǵyn úi kesheni N.Tilendiev dańǵyly men Sh.Beisekov kóshesiniń qiylysynda ornalasqan.
– Táýelsizdigimizdiń negizin qalaýshy, Elbasy Nursultan Ábishuly azamattarymyz úshin jaǵdai jasaýymyz kerek ekenin aityp keledi. Osyndai turǵyn úi alatyn memlekettik baǵdarlama buryń sońdy bolmaǵandy.
Qazir elordada jyl saiyn 2 mln sharshy metrge deiin turǵyn úi salynyp jatyr, 80%-dan astamy jeke investitsiialar arqyly. Tek osy úide 400-den astam páter ornalasqan.
Máselen, jalǵa beriletin turǵyn úidiń iesi Janna Takenova 2009 jyldan bastap kezekte turǵanyn aitty. «Kórshilerimizben tanysyp úlgerdik, barlyǵymyz óte qýanyshtymyz», – dedi.
– Búgin biz úshin óte mańyzdy kún. Bizge berilgen páter úshin memleketke alǵys bildiremin. Men erekshe qajettiligi bar balany tárbielep otyrmyn. Qala turǵyndaryna aitarym, esh kúmándanbai qujattardy tapsyryńyzdar. Sizderde páter iegeri ata alasyzdar, – dep atap ótti J. Takenova.
«Qarapaiym zattar ekonomikasy» baǵdarlamasyn damytý sheńberinde TK salý úshin negizinen otandyq óndiristiń qurylys materialdary paidalanyp, óz elimizde shyǵarylǵan liftiler qoiyldy.
Qala ákimi Altai Kólginov kóktem bastalysymen aýmaqty abattandyrý jumystary bastalatynyn atap ótti. Aǵashtar otyrǵyzylady, qosymsha oryndyqtar, balalar trenajerleri ornatylady.
Aita keteiik, Qazaqstan Respýblikasynyń Tuńǵysh Prezidenti kúnine orai ataýly áleýmettik kómek alýshylar sanatyndaǵy elordalyqtar járdemaqy aldy. Bul sanatqa jan basyna shaqqandaǵy tabysy kedeilik sheginen tómen adamdar kiredi. Ol eń tómengi kúnkóris deńgeiiniń 70% retinde anyqtalady. Ataýly áleýmettik kómek alýshylar úshin áleýmettik kómek mólsheri 4,5 AEK nemese 11363 teńgeni quraidy.
