Elordalyq "Astana jastary" jastar resýrstyq ortalyǵy qalalyq jastar saiasaty máseleleri basqarmasynyń qoldaýymen Halyqaralyq Jastar kúni qarsańynda "Stop COVID-19" úzdik beine-challenge baiqaýyn uiymdastyrady, dep habarlaidy Nur-Sultan ákimdiginiń resmi saity.
Baiqaý stýdent jastar arasynda vaktsinatsiialaý arqyly COVID-19 taralýyna qarsy kúres, sondai-aq stýdentter arasynda shyǵarmashylyq klasterdi qoldaý maqsatynda ótkiziledi.
Saiys jeńimpazy elordalyq máslihat depýtaty Azamat Manasulynyń basshylyǵymen jumys isteitin "Idiris Orynbasar atyndaǵy qaiyrymdylyq qorynan" 1 million teńge alady. 2-orynǵa – 300 myń teńge, 3-orynǵa – 200 myń teńge.
Sondai-aq, baiqaýǵa qatysýshylar úshin "Arena fitness", "Winox" fitnes-zaldarynyń tanymal jelilerinen jáne "Hlebnyi krai"kompaniiasynan yntalandyrý syilyqtary qarastyrylǵan.
Baiqaý osy jyldyń 5 tamyzy men 5 qazany aralyǵynda ótkiziledi. Oǵan elordanyń orta arnaýly (kolledjder) jáne joǵary oqý oryndarynyń kámeletke tolǵan stýdentteri qatysa alady.
«Sharttar óte qarapaiym: niet bildirgen qatysýshylar 5 tamyzdan 5 qyrkúiekke deiin Google Forms arqyly Instagram @astana_jastary profiliniń taqyrypshasyna qatysýǵa ótinim jiberýi qajet. Sodan keiin qatysýshy Nur-Sultan qalasyndaǵy kez kelgen egý pýnktinde 5 tamyz ben 5 qazan aralyǵynda ekpe alýy tiis. Ary qarai vaktsinatsiia núktesinen shyǵarmashylyq beine-challenge túsirip, ony Instagram jáne Tik tok-ta jastardyń eń kóp sanyna taratý kerek. Jariialanymdardyń astynda chellendjge qatysýshylardyń sanyn baqylaý úshin #stopCovid #molodejzavaktsinatsiiý #nsjastary #astanajastary heshtegteri kórsetilýi qajet. Baiqaý sońynda eń kóp taralymǵa ie beinerolik avtorlary (1,2,3-oryn) aqshalai syilyq alady.
Baiqaý erejesiniń sharttarymen Instagram paraqshalarynan tanysýǵa bolady: @astana_jastary jáne @ns_jastary, nemese WhatsApp +77471909693 nómiri boiynsha habarlasýǵa bolady», - dep habarlady Nur-Sultan qalasynyń Jastar saiasaty máseleleri basqarmasynyń basshysy Qairat Qambarov.
