Áleýmettik kómektiń atalǵan túri jeke jer úide turatyn jáne jergilikti jylytý qurylǵysyn (pesh) paidalanatyn úi ieleri nemese jalǵa alýshy, eger olar jáne olardyń otbasy múshelerinde basqa turǵyn úi bolmasa jáne jan basyna shaqqandaǵy ortasha tabysy tórt kúnkóris sheginen aspaityn bolsajasy kelgen zeinetkerler, múgedekter, múgedek balalar, kópbalaly analar men kópbalaly otbasylar ala alady.
Ótemaqy jylytý maýsymyna (2019 jyldyń 15 qazanynan 2020 jyldyń 15 sáýirine deiin) 16 AEK kóleminde beriledi.
Eger bir jer úide áleýmettik kómek alýǵa quqyly birneshe adam turyp jatsa, ótemaqy tek bir ǵana adamǵa tólenedi.
Áleýmettik kómektiń atalǵan túrine qol jetkizý úshin ótinish berýshi jylytý maýsymy kezinde Dostyq kóshesi, 13 («Nursaia» TK) meken-jaiy boiynsha Jumyspen qamtý jáne áleýmettik qorǵaý basqarmasyna baryp, otbasy músheleriniń barlyǵyn kórsetip ótinish jazý kerek.
Sondai-aq jeke kýáliginiń kóshirmesin, tabysy týraly (barlyq otbasy múshelerine), toqsan ishindegi kirisi týraly málimet, mártebesin rastaityn qujattyń kóshirmesi (zeinetkerlik kýálik, múgedektik týraly anyqtama, balalardyń týý týraly kýáligi), QR Ádilet ministrliginiń aýmaqtyq organymen berilgen tirkelgen jyljymaityn múlikke quqyǵynyń joqtyǵyn rastaityn anyqtama, turǵyn úidi paidalanýǵa quqyq beretin qujatty (jalǵa alýshylar úshin) usyný kerek.
Atalǵan kómekti alýǵa qatysty qosymsha aqparatty Saryarqa aýdany boiynsha 55-68-45, Baiqońyr aýdany - 55-68-45, Almaty aýdany - 55-68-22 jáne Esil aýdany boiynsha 55-58-34 nómirlerine habarlasyp alýǵa bolady.
