Elordany odan ári damytý jónindegi keńeste Memleket basshysy elorda turǵyndary men qonaqtary úshin tildik ortany qalyptastyrý jóninde sharalar qabyldaýdy tapsyrdy.
Aýdandyq ákimdikter, «Iqala» qalalyq qyzmet kórsetý ortalyǵy janyndaǵy HQKO, densaýlyq saqtaý, «Front-keńseler» qyzmetkerleri úshin aǵylshyn tilin oqytý kýrstary uiymdastyryldy.
Oqytý kezinde sheteldikterge aǵylshyn tilinde memlekettik jáne memlekettik emes qyzmetter kórsetetin AHQO Ekspat-ortalyǵynyń tájiribesi negizge alyndy.
Budan ári Ekspat-ortalyq bazasynda "IQala" qalalyq qyzmet kórsetý ortalyǵynyń, «Astana Invest» qalalyq investitsiialardy damytý ortalyǵynyń jáne «Azamattarǵa arnalǵan úkimet memlekettik korporatsiiasy» KEAQ qyzmetkerleri qyzmet kórsetetin bolady. Budan basqa, yntymaqtastyq sheńberinde kásipkerlik sýbektileri úshin úsh tildi paritet qaǵidaty engiziledi: jarnamalyq ónimderdiń, aqparattyq stendilerdiń aǵylshyn tilinde bolýy.
Elorda ákimi Altai Kólginov memleket qabyldaityn sharalardyń arqasynda elordada jyl saiyn investitsiialyq ahýaldyń jaqsarǵanyn atap ótti. Tartylǵan investitsiialardyń 30% -y sheteldik. Sheteldik azamattar men kompaniialarǵa ekspat-ortalyqtyń bazasynda «bir tereze» qaǵidaty boiynsha qyzmetter kórsetiledi.
Aita ketý kerek, AHQO-da sheteldik azamattar men olardyń otbasy músheleriniń kelýi úshin qolaily jaǵdailardy qarastyratyn biregei jeńildetilgen vizalyq jáne kóshi-qon rejimi jumys isteidi. Ekspat-ortalyq Nur-sultan qalasynyń qalalyq jáne iskerlik infraqurylymynyń ajyramas bóligi bolyp tabylady.
