1 qazan kúni «Astana» kontsert zalynda ardagerler shyǵarmashylyq ujymynyń qatysýymen merekelik kontsert ótedi. Baǵdarlamada «Veteran», «Shańyraq» jáne «Alash Amanaty» horlary, «Ivýshka», «Nadejda» jáne ózge de vokaldyq toptardyń qatysýy josparlanǵan.
Sondai-aq Halyqaralyq qarttar kúnine arnalǵan fotokórme, kórkem shyǵarmashylyq kórme, fleshmob, ekskýrsiia uiymdastyrylmaqshy.
Shara 1000 adamdy qamtidy dep josparlanýda.
Qarttar kúni «Sharapat» áleýmettik qyzmet kórsetý ortalyǵynda Ulttyq ulannyń úrmeli aspaptar orkestiniń «Qarttarym – asyl qazynam» atty kontserti ótedi.
Al 3 qazanda atalǵan mekemede TJD qyzmetkerleri men horeografiia akademiiasynyń mamandary «Sharapat shaqyrady» atty merekelik kontsertin usynbaqshy.
8 qazanda Qazaqkontsert ujymy «Sizderge myń taǵzym» kontserttik baǵdarlamasyn qoiady dep josparlanýda. Ákimdiktiń áleýmettik qyzmet kórsetý ortalyǵy merekeden qalys qalmaidy. Atalǵan mekeme 1-3 qazan aralyǵynda qarttar Ulttyq mýzei men Tuńǵysh Prezident mýzeiine qarttardy aprasa, 7-9 qazan kúnderi qarttar qalanyń kórikti jerlerine ekskýrsiia jasaityn bolady.
15-17 qazan aralyǵynda qarttarymyz M.Gorkii atyndaǵy orys drama teatry men Q.Qýanyshbaev atyndaǵy akademiialyq qazaq mýzykalyq drama teatrynyń spektaklderin tamashalaidy. Sondai-aq 23 qazanda qariialardy kinoteatrǵa aparý kózdelinýde.
Buǵan qosa, qalanyń barlyq uiymdary men kásiporyndaryn qosa alǵanda Qarttar kúnine arnalǵan sharalar kezinde 40 myńnan astam adamdy qamtý josparlanǵan.
Elordanyń dámhanalary men meiramhanalarynda Uly Otan soǵysynyń ardagerleri men tyl ardagerleriniń qatysýymen birqatar sharalar ótkizilip, olarǵa aqshalai jáne estelik syilyqtar tabystalady.
Qalanyń barlyq mektepke deiingi uiymdary, mektepteri, kolledjderi men JOO-daǵy oqýshylar, stýdentter men ujymdar pedagogikalyq eńbek ardagerlerimen, al meditsinalyq uiymdarda densaýlyq saqtaý salasynyń ardagerlerimen kezdesý ótkiziletin bolady.
Qalanyń kásiporyndary men uiymdarynda barlyq sanattaǵy ardagerlermen kezdesý ótkizilip, kádesyilar tabystap, kontserttik baǵdarlama usyný arqyly qarttarǵa qurmet kórsetedi.
Búginde Nur-Sultan qalasynda 80 myńnan asa zeinetker turady. Olardyń 57 Uly Otan soǵysynyń ardageri jáne 25 myń múmkindigi shekteýli qariia bar.
https://www.youtube.com/watch?time_continue=2&v=15lN-9ONUos
