Nur-Sultan qalalyq bilim berý basqarmasy UBT daýyna qatysty pikir bildirdi
Vedomstvo ókilderi Qabatovtyń qyzynyń qujattarynda qandai da bir zańbuzýshylyq anyqtalmaǵanyn jetkizdi.
“Nur-Sultan qalasynyń bilim basqarmasy barlyq “Altyn belgi” iegerlerin bilimge qushtarlyǵy men maqsatqa jetýdegi tabandylyǵy úshin rizashylyǵyn bildire otyryp, oqýshy Amanǵali A.T. mektepterde oqý kezinde joǵary nátije kórsetkenin jáne shynymen de jyldyq qorytyndy baǵalaý nátijeleri boiynsha “Altyn belgi” iegeri ekenin habarlaidy.
Qujattardyń úlgilik erejelerdiń talaptaryna sáikestigine júrgizilgen monitoring boiynsha eshqandai zańbuzýshylyq anyqtalmady jáne qujattar belgilengen talaptarǵa sáikes keledi”, –delingen basqarma habarlamasynda.
Aita ketelik, buǵan deiin belgili zańger Abzal Quspan Qabatovtyń qyzynyń ornyna basqa bireý UBT tapsyrǵanyn aitqan. Al álemjelidegi jurt oqýshynyń “Altyn belgini” ádil jolmen ielengenine tekserý júrgizýdi talap etken bolatyn. Oqiǵa jaily ázilkeshtiń ózi de pikir bildirdi.
...
Tanymal akter mán-jaidy túsindirý úshin Instagram paraqshasyna video jariialaǵan. Aýdioda ózin Nurbek dep tanystyrǵan jigit Ádemi Amanǵaliǵa UBT-dan joǵarǵy ball áperip, Qabatovtar otbasyna tosynsyi jasaǵysy kelgenin aitady. Biraq munda kórsetilgen telefon Nurbek esimdi azamattyń emes, Qabatovtyń qyzyn UBT-ǵa daiyndaǵan ortalyqtyń direktory Baýyrjan Jádigerovtiń nómiri bolyp shyqty. Tursynbekpen jaqsy aralasatynyn aitqan ol, Nurbektiń ortalyqta jumys istemeitinin jetkizdi.
“Tursynbek Qabatovtyń qyzy bizde kóktemde bilim aldy. Basynda UBT-ǵa daiyndalyp, keiinnen shetelge túsetin boldy. Shetelge túsetinderdi biz daiyndamaimyz. Meniń nómirim shyqty. Sebebi Tursynbek Qabatov ol muǵalimdi taýyp berýdi menen surady. Ol kisiniń telefonyn almai qoiǵan, sondyqtan men telefonymdy sol jerde qosyp, sol telefonmen sóilesti ol jerde”, – deidi Jádigerov.
Alaida direktordyń bul jaýabyna táýelsiz jýrnalist Gúlbaný Ábenova senbeidi. Onyń aitýynsha, bul bylyqtyń artynda Tursynbek Qabatovtyń ózi tur.
“Nurbek Qanaev degen “140+1” degen bilim berý ortalyǵynda jumys istegen. Ol anyq kórinip tur. Burynnan beri sonyń jarnamasynda júr. Qanshama shákirtteri, qanshama túlekter aityp jatyr jumys istedi dep. Matematika páninen”, – deidi ol.
https://dalanews.kz/news/66615-zhuregimiz-auyryp-qorqyp-otyrmyz-qab?fbclid=IwAR1Goipo9csHMtx4fnk0ycKpxDAB8Rw47bwwtBirokRNPnrVz1NvP00CgPs
