Týrnirge uldar men qyzdardan quralǵan 35 komanda qatysty.
Stritbol jarysynyń birinshi kezeńi osy jyldyń 19 maýsymynda Almaty aýdanyndaǵy Prezidenttik saiabaqta bastalǵan bolatyn.
Birinshilik oiyndary tek demalys kúnderi, Nur-Sultan qalasynyń 4 aýdanynda belgilengen ýaqytta «ASHYQ» qosymshasy arqyly ótti.
Oiynǵa uldar men qyzdardan quralǵan 110 komanda qatysty. Tórt oiynshydan turatyn komandalar U-16, U-18 eki sanatynda jarysty.
Is-shara sońynda jeńimpazdar medaldarmen, diplomdarmen, kýboktarmen jáne arnaiy stritbol formalarymen marapattaldy.
...
Dál osy sharamen qatar Egemendiktiń 30 jyldyǵyna orai aýla klýbtary arasynda uiymdastyrylǵan «Aula Ligasy» fýtbol týrniri de máresine jetti. Qala ákiminiń kýbogy úshin ótken jarysqa tórt aýdannan 1500-ge jýyq bala qatysty.
Esterińizge sala keteiik, fýtboldan «Aula Ligasy» týrniri elordada 19 maýsymda bastalǵan bolatyn. Jarys qalanyń 40 fýtbol alańynda ótti, oǵan 135 komanda qatysty.
Finaldyq oiyndar jaqynda «Astana Arena» stadionynda ótti. Týrnir qorytyndysy boiynsha aqtyq synǵa ár aýdannyń 8 úzdik komandasy shyqty. Olardyń arasynda Nur-Sultan qalasy ákiminiń kýbogy sarapqa salyndy.
Jeńimpazdar men júldegerlerdi marapattaý rásimine Nur-Sultan qalasy ákiminiń orynbasary Ashat Oralov, Dene shynyqtyrý jáne sport basqarmasynyń basshysy Samat Erǵaliev jáne №8 olimpiadalyq rezervtegi mamandandyrylǵan balalar-jasóspirimder sport mektebiniń direktory Samat Jylqybaev qatysty.
"Mundai sharalardy dástúrli túrde ótkizýdi josparlap otyrmyz. Óskeleń urpaqtyń boiynda buqaralyq sportqa degen qyzyǵýshylyq pen ózindik mádenietti qalyptastyrýymyz qajet", – dedi óz sózinde Ashat Oralov.
Baiqońyr aýdanynyń «Baikonur Team» komandasy «Aula Ligasy» týrniriniń chempiony atandy. Júldeli ekinshi oryndy Esil aýdanynyń «Jaǵalaý» komandasy ielense, úzdik úshtikti Esil aýdanynyń «Senim» ujymy túiindedi.
Týrnir barysynda úzdik oiynymen kózge túsken qatysýshylar birneshe nominatsiia boiynsha marapattaldy.
Jeńimpazdarǵa kýboktar, medaldar men diplomdar, sondai-aq sporttyq forma jáne jarys demeýshisiniń sertifikattary tapsyryldy.
Týrnir sanitarlyq normalar men karantin talaptaryn saqtai otyryp ótkizildi.
https://youtu.be/OSEGzYmd7Hg
